ادلب بحرانی بوییچه بیر تحلیلی یازوو
تحلیل و تیکشیروو
ادلب بحرانی
ادلب اوزاق مدتدن بیری سوریه بحرانی نینگ اینگ ایسّیق جبهه لریدن بیرته سی ایدی. روسیه و بشارالاسد تیزیمی 2018- ییلی دسامبر آییده انقره بیلن روسیه اورته سیده سوچیده قول قوییلگن کیلیشووگه قره مه ی ادلبده مخالفلر و تینچ اهالینی آماج قرار بیریب ایلگریلب بارماقده. رژیم نینگ مقصدی ادلبده مخالفلرنی اوگیریب آلیب عسکری اوله راق ضعیفله تیش دیر. شونده ی قیلیب سوریه ایچکی اوروشیده عسکری موفیقتینی اعللان قیلیش دیر. بونگه یگانه توسیق تورکیه اوله راق کوریلماقده ایدی. شونده ی بولیب رژیم تورکیه نی ادلب نینگ جنوبیده اورین الگن عسکری تیکشیروو مرکزلرینی راحتسیز قیلیب انقره نینگ مقاومتینی برهم اوریش اوچون بیر ستراتیژی اورته گه قویدی. 3 فبروریدن باشلب سوریه تیزیمی ادلبده گی هجوملرینی ایریم بیر مرحله گه قره تیب باردی و تورک عسکرلرینی نشان الیب اوردی. 8 کیشی نینگ حیاتینی یوقاتیشی گه سبب بولدی. بو ادلب بحرانی بوییچه ینگی بیر مرحله نی کورسته دی.
موضوع بیلن تیگیشلی اوله راق خوفسیزلیک بوییچه تیکشیروو مسؤلی دوکتور مراد یشیل تاش نینگ یازووینی تقدیم ایته میز.
ادلبده گی لرنی یقیندن تعقیب ایتگنلر اوچون بو یوز بیرگنلر قیزیق ایمس. اوزاق مدتدن بیری روسیه و سوریه رژیمی ادلب توغریسیده گی ستراتیژی لرینی بیره بیرته عملی قیلدیلر. بولرنینگ عملی بولیشیده کتته – کیچیک بیرنیچه سبب بار. بولردن بیرته سی ادلبده گی مخالف گروهلرنینگ اوز ایچیلریده بیرلیک ایجاد ایتالمه گن لیکلری دیر. شونده ی بولیب هیات تحریر الشام کبی رادیکال گروپلرنینگ ساحه ده حاکم بولیشی گه سبب بولدی. ایککینچیسی ایسه روسیه نینگ رژیم نینگ اوریشیش ظرفیتینی کوپه یتیریش اوچون آتگن آدیملری دیر. روسیه ده گی عسکری اداره لر رژیم نی هم عسکری اوله راق قولب قوتله دیلر همده پراگنده گروپلر بیلن قنداغ اوروشیشلرینی اورگتدیلر. البته بولردن تشقری روسیه نینگ هوا هجوم ستراتیژیسی جوده ظالمانه ایدی. گروزنی شکلینی قبول قیلیب الگن روسیه هوائی هجوملری اولاً شهرلرنی بمباردمان قیلیب انسانلرنی ترک ایتیب کیتیشی گه سبب بولیب شهرنی مخالف گروهلردن تمیزلش اوچون یوق بوله دیگن شکلده خرابه گه ایلنتیرماقده ایدی. اوچونچیسی ایسه منطقوی ترماق نینگ روسیه و سوریه رژیمی گه یخشی راق زمینه یراتیشی دیر. رژیم منطقوی مقیاسده سوریه بحرانی بوییچه علاقه بولمه ییشینی بیر فرصت اوله راق کوریلماقده دیر و ادلب نی تاماً کنترول آستیگه آلیش اوچون حرکت گه اوتدی.
ایندی 3 فبروری حادثه سی نینگ ارتیدن ادلبده ینگی بیر مرحله گه کیلینگن می؟ بو سوال نینگ جوابی حقیقتاً جوده مهم و بحران نینگ کیله جگی گه تاثیر قالدیرووچی عنصرلرنی اوز ایچی گه آلماقده. بوندن کیین تورکیه نینگ قنداغ حرکت قیلیشی جوده مهم. تورکیه اوچون ادلب فقط خوفسیزلیک جهتدن اهمیتی یوق. ادلب تامانیدن کیله دیگن ینگی بیر کوچ حرکتی تورکیه گه کتته تاثیر قالدیره دی. شونده ی بولیب جمهور باشلیغی ایردوغان نینگ ایتیشیچه 1 میلیون اطرافیده مهاجر تورکیه چیگره سیگه قره ب حرکت قیلگن وضعیتده. بناً تورکیه مهاجرلرنینگ چیگره گه قره ب حرکت ایتیشی گه توسیق بولیش اوچون ادلبده یوز بیرگن موجود وضعیتنی تکرار تیکیشیریب چیقیشی شرط.
تورکیه نینگ الترناتیفلری آره سیده ایککی ته ترجیح موجود. بیرینچیسی موجود وضعیت نینگ کوپراق یمانراق بولیشی گه توسیق بولیش اوچون رژیم گه قره ته قتتیق بیر عسکری پوزیشن توزیش. شونده ی بولیب تورک عسکرلری نینگ شهید ایتیلیشی نینگ آرتیدن تورکیه مدافعه وزیری گه کوره تورکیه رژیم منسوبلریدن 70 عسکرنینگ تاثیرسیز وضعیت گه کیلیتیریلیشی بوییچه عسکری اوله راق جواب بیردی. بیراق بو دوامدار ایمس و تورکیه – روسیه مناسبتلری گه کتته تاثیر قالدیریشی ممکن. ایککینچی مرحله ایسه موجود وضعیت آرقه لی تورکیه و روسیه اورته سیده ینگی بیر ادلب کیلیشووی توزیلیشی دیر. نی روسیه نی تورکیه مناسبتی نینگ بوزیلیشینی خواهله مه یدی. ایککی تامان هم بونینگ فایده کیلتیریشی اورنیده زیان ییتکیزه جگینی کورماقده. بناً ادلب بحرانی ایککی اولکه نینگ مناسبتی بوییچه بیر سینش کبی دیر.
ادلب بحرانی نینگ بشری تامانی ایسه خلق ارا همجمعیت نینگ کون ترتیبیده اورین آلگن وضعیتده. اروپا بحران نینگ فقط بشری تامانی گه مناسبت کورستماقده و حقیقتاً تورکیه نینگ ایشینی اسان قیلووچی و بشری قیینچیلیکلرگه مانع بولووچی بیر یانداشوودن اوزاق تورماقده. امریکا قوشمه ایالتلری ایسه ادلب توغریسیده فقط تورکیه نی قوللب–قوتلاوچی سیاسی بیاناتلر بیرماقده. بحران نینگ اصل متضررلری باله لر، خایتن – قیزلر و قرّیلردن عبارت تینچ اهالی دیر. ادلب بحرانی تیرمه لب بارگنده بونینگ کلفتی فقط تورکیه گه ایمس اروپاگه هم کتته تاثیر قالدیره دی. بناً ادلب نی فقط تورکیه نینگ معماسی اوله راق کورمه ی ییچیم اوچون تورکیه نینگ یانیده بولیب توریش کیره ک.
موضوع بیلن تیگیشلی اوله راق خوفسیزلیک بوییچه تیکشیروو مسؤلی دوکتور مراد یشیل تاش نینگ یازووینی تقدیم ایتدیک.
