تورکیه نینگ سوریه ده گی سونگگی عملیاتلری
سیاسی تحلیل
سوريهدهگی بحراننی کمهیتیریش و تامانلر اورتهسیده تینچلیکنی تأمینلب آلیش اوچون تشکیل ایتیلگن آستانه جریانی اوز فعالیتینی دوام ایتتیرماقده. تورکيه، روسیه و ایران نینگ ضامنلیگی آستیده دوام ایتگن جریان دایرهسیده انیقلب آلینگن بحراننی کمه یتیریش منطقه لریگه قرشی حکومت کوچلری، روسیه و ایران اوز هجوملرینی دوام ایتتیریب، منطقهلرنی قولگه کیریتیشی آرتیدن، اینیقسه ادلیب علیحده اورینگه ایگه بوله باشلهدی. ادلب نینگ ایریم بحراننی کمه یتیریش منطقه لریگه قرهگنده تورکيه بیلن توغریدن-توغری چیگره بولیشی، تورکيه نینگ کوچیگه-کوچ قوشگن مهم عامللردن بیری حسابلنهدی. اوندن تشقری، حکومت کوچلری تامانیدن قورشب آلینگن منطقهلردهگی سوريهلیک مخالف گروهلر نینگ ادلب و فرات قلقانی عملیاتی منطقهسیگه کوچیریلیشی، ادلبنی حربي مخالف نینگ قلعهسیگه ایلنتیردی. آستانه جریانی دایرهسیده ادلب بحراننی کمه یتیریش منطقهسی باشقه منطقه لرگه قرهگنده علیحده اورینگه ایگه بوله باشلهماقده. تورکيه نینگ 12، روسیه نینگ 10 و ایران نینگ 7 ته نظارت نقطهسی اورین آلگن ادلب بحراننی کمه یتیریش منطقه سیدهگی توقنهشوولر تقریباً توختهتیلدی دیسهک مبالغه بولمهیدی. اینیقسه تورکيه تامانیدن قوریلگن نظارت نقطهلری، حکومت کوچلری نینگ سوريهلیک مخالف گروهگه قرشی حربي اولهراق ایلگریلشیگه مانعلیک قیلهیاتگن بیر دیواردیک.
(سیاست، اقتصاد و جمعیت تدقیقات بنیادی) یازووچی جان اجون نینگ موضوعگه دایر ملاحظهلرینی اعتبارینگیزگه تقدیم ایتهمیز.
تورکيه تامانیدن منطقهده قوریلگن نظارت نقطهلری فایدهلنیش جهتیدن بیر نیچه قیینچیلیکنی هم اوزی بیلن بیرگه آلیب کیلماقده. بونگه کوره تورکيه نینگ منطقه چیگرهسیگه توغریدن-توغری انتقال بیریشی کتّه امکان یرهتیب بیرر ایکن، ادلبدهگی رادیکال عنصرلر نینگ و حکومت کوچلری نینگ هجوم قیلیش احتماللری تورکيه نینگ تینچلیکنی اورنهتیش اوچون اوز ذمّهسیگه آلگن وظیفهسینی قیین لشتیرماقدهدیر. نتیجهده بیر امانت ییتکزیش چاغیده تورکيه نینگ یوک تشووچی موتر قطاریی توختهب تورگن حالده منفجره مواد اورنه تیلگن موتر نینگ پارتلهتیلیشی عاقبتیده زیان کورگنلیگی حقیقت. وقتی-وقتی بیلن حکومت کوچلری و ایران یول لهگن شیعه جنگریلری تامانیدن تورک عسکرلریگه قرشی تحریکی طرزده اوق اوزیلدی. تورکيه نینگ سوريهدهگی وضعیتنی ترتیبگه سالیش اوچون اوز عسکرلرینی جبهه خطی گه جایلشتیریشی، تورکيه نینگ منطقهدهگی اوروشنی توختهتیشگه قرهتیلگن ارادهسی نینگ اینگ یقّال کورسهتکیچیدیر. تورکيه بیر تاماندن آستانه جریانی آرقهلی بشار الاسد حکومتی و سوريه مخالف گروهی اورتهسیدهگی اوروشنی توختهتیب، انسانلر نینگ اولیمیگه مانعلیک قیلیب، تامانلر اورتهسیدهگی مذاکرهلر نینگ و اوتیش جریانی نینگ یولینی آچر ایکن، باشقه تاماندن تاماندن ایسه سوريهدهگی خوفدن فایدهلنگن ترور تشکیلاتلریگه قرشی اوز کورهشینی دوام ایتتیرماقدهدیر. فرات قلقانی عملیاتی یاردمیده داعش ترور تشکیلاتینی تورکيه چیگرهسیدن تازهلهگن تورکيه، آرتیدن عفریننی پی کاکا ترور تشکیلاتی نینگ سوريهدهگی قناتی PKK/YPG ترور تشکیلاتیدن تازهلهدی. تورکيه نینگ هر ایکّی عملیاتده هم سوريهلیک محلي کوچلر بیلن بیرگهلیکده فعالیت آلیب باریشی هم تورکيه نینگ منطقهدهگی کوچینی، همده منطقهنی باسیب آلیش نیتیده ایمسلیگینی کورسهتماقده. تورکيه تروریزمگه قرشی کورهش آلیب بارر ایکن بیر تاماندن قوشنی سوريهده تینچلیک اورنهتیشگه حرکت قیلماقده، ایکّینچی تاماندن ایسه ملي خوفسیزلیگینی تأمینلهماقدهدیر. نتیجهده فرات قلقانی عملیاتی آرتیدن داعش ترور تشکیلاتی نینگ تورکيهدهگی هجوم و هجوم تشبثلری کمهیدی. شو بیلن بیرگه «زیتون نودهسی» عملیاتی تورکيه نینگ هاتای ولایتی و امانوس تاغلریدهگی پی کاکا ترور تشکیلاتی نینگ هجوملری و هجوم تشبثلرینی توختهتدی دیسهک مبالغه بولمهیدی.
تورکيه نینگ تروریزمگه قرشی کورهشی باشقه منطقهلرده هم دوام ایتماقده. بو وضعیت عراق بیلن بیرگه سوريه نینگ شِمالیده کوزهتیلر ایکن اونده PKK/YPG ترور تشکیلاتینی یوق قیلیشلیک اوچون مهم قدملر تشلنماقده. امریکا قوشمه ایالتلری نینگ YPG بیلن بیرگهلیکده فعالیت آلیب باریشده آیاق تیرهشی منطقهدهگی ترورنی یوق قیلیشلیک گه مانعلیک قیلرکن عینِ وقتده تورکيه نینگ ملي خوفسیزلیگینی هم خوف آستیگه قویماقدهدیر. تورکيه و امریکا قوشمه ایالتلری اورتهسیده YPG ، اینیقسه منبیج منطقهسی نینگ کیلهجگی حقیدهگی مذاکرهلر اوزاق وقتدن بیری دوام ایتماقده. امریکا قوشمه ایالتلری منبیج منطقهسینی قولگه آلهر ایکن تورکيهگه بیرگن YPG نینگ منطقه دن چیقیب کیتیشی حقیدهگی وعدهسی گه وفا قیلمس لیگی و YPG ترور تشکیلاتینی حمایه قیلیشی ناتو ترکیبیدهگی ایکّی دولت مناسبتی نینگ بوزیلیشیگه یول آچگن ایدی. امریکا قوشمه ایالتلری نینگ سابق تشقی ایشلر وزیری رکس تیللرسون نینگ تورکيهگه کیلیب منبیج مسألهسینی تورک کسبداشی بیلن مذاکره قیلیشی آرتیدن ایکّی مملکت اورتهسیده عمومي معناده کیلیشیب آلینگن ایدی. آرتیدن ترامپ نینگ تیللرسوننی اوز وظیفهسیدن چیتلهتیشی، اورنیگه مایک پمپیئونی تعیین قیلیشی، جریان نینگ وقتینچهلیک توختهتیلیشیگه یول آچدی. تورکيه جمهوریتی تشقی ایشلر وزیری مولود چاووش اوغلی تامانیدن یقینده بیریلگن بیانات اساسیده ایکّی مملکت اورتهسیده منبیج معماسی اوچون ابتدایی کیلیشوو تأمینلنگن بولیب، تفصیللر نینگ ایسه کیلهسی جریانده انیقلشتیریلیشی ریجهلشتیریلماقده. چاووش اوغلی نینگ بیاناتی آرتیدن محلي منبعهلر ترقهتگن معلوماتگه کوره YPG اعضالری منطقهنی ترک ایتیش اوچون اوز تیارگرلیگینی باشلهتگن وضعیتده. و نهایت تورکيه و امریکا قوشمه ایالتلری اورتهسیدهگی شرطنامه اساسیده YPG منبیجنی ترک ایتیب فرات شرقیگه اوتهدی. تورکيه و امریکا قوشمه ایالتلری منطقهدهگی خوفسیزلیکنی بیرگهلیکده تأمینلب، ایکّله مملکت منبیج نینگ محلي باشقروولری بیلن پولیس کوچلرینی بیلگیلب آلهدیلر. قنچهلیک تورکيه و امریکا قوشمه ایالتلری اورتهسیده منبیج معماسی حل قیلینگن بولسه-ده فرات نینگ شرقیدهگی YPG ترور تشکیلاتی نینگ بارلیگی، ایکّی اولکه اورتهسیدهگی سوريه معمالری نینگ توگهمسلیگینی کورسهتماقده. فقط منبیجده تورکيه و امریکا قوشمه ایالتلری نینگ بیرگهلیکده ایش آلیب باریشی ناتو ترکیبیدهگی علاقه، کوردیناتوری و ایشانچنی آرتتیرهدی. شوندهی ایکن منبیجده کیلیشیب آلگن مذکور ایکّی مملکت سوريه نینگ باشقه حدودلری اوچون هم کیلیشیب آلیشی ممکن.
سیاست، اقتصاد و جمعیت تدقیقات بنیادی یازووچی جان اجون نینگ موضوعگه دایر ملاحظهلرینی اعتبارینگیزگه تقدیم ایتدیک.