امریکا قوشمه ایالتلری نینگ بشارالاسد حکومتینی آماج قرار بیرگن لیگی نینگ سببی نیمه دیر؟
تحلیل و تیکشیروو - 16
امریکا قوشمه ایالتلری نینگ بشارالاسد حکومتینی آماج قرار بیرگن لیگی نینگ سببی نیمه دیر؟
سوريه‌ده حکومت شرقي غوطه‌ده مخالفلرگه قره‌ته کیمیاوي قورال قوللنیشدن کیین بیر لحظه‌ده خلق‌ارا جمعیت دقّتینی بو حدودگه قره‌تگن ایدی. امریکا قوشمه ایالتلری باشچیلیگیده حکومتگه قرشی بیر حربي کوره‌ش کون ترتیبی گه کیلگندی. 14- اپریل شنبه کونی کوتیلگن هجوم اویوشتیریلدی.
امریکا قوشمه ایالتلری، انگلستان و فرانسه نینگ حربي هجومی کینگ کولملی بیر حرکت بولیشدن تشقری حکومتگه قرشی « جزالنتیرووچی » بیر حرکتی شکلیده اجرا قیلیندی. امریکا قوشمه ایالتلریده صادر بولگن تارتیشوولرگه قره‌لگنده، ترامپ کینگ کولملی بیر حرکت اویوشتیریشنی خوا‌هلر ایکن، مدافعه وزیری میتتیس و پینتا‌گون ایسه روسیه بیلن اورته‌لریده مرکّبلیک که سبب بولمسلیگی اوچون کیچیک کولملی بیر حربي حرکت تنله‌گنلری معلوم ایدی. کوریلگنیدیک میتتیس و پینتا‌گون ایسته‌گن شکلده حرکت اجرا قیلیندی.
سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایته‌میز.
درحقیقت امریکا قوشمه ایالتلری، انگلستان و فرانسه بیر ائتلاف تشکیل ایتیب سوريه حکومتی آرقه‌لی روسیه نینگ نفوذ ساحه‌سینی و ایران بیلن بیرگه‌لیکده حرکت ایتگن شیعه پولیس کوچلرینی نشان آلدی.
نتیجه‌ده امریکا قوشمه ایالتلری نینگ سوريه‌ده‌گی حکومتنی تونتریش کبی بیر نیتلری یوق ایدی.
درحقیقت امریکا قوشمه ایالتلری نینگ قولیده کتّه بیر فرصت اوتیشیگه قره‌مه‌سدن کینگ کولملی بیر حرکت اویوشتیرمسلیگی بو نینگ آچیق بیر دلیلی دیر. اوباما دوریده سوريه‌ده و عموماً یقین شرقده روسیه و ایرانگه کتّه بیر ساحه آچیلگن ایدی، ایندی ایسه روسیه قولگه کیریتگن میدان قدم به قدم کمه‌یه‌دی و ایران نینگ سوريه‌ده‌گی نفوذی نینگ چیکلنیشی بحث موضوعسی.
اسرائیل و منطقه‌ده‌گی کورفز اولکه‌لری جهتیدن ایراننی چیکلش جوده مهم. چنانچی اسرائیل، کورفز اولکه‌لری و تورکيه جهتیدن ایران نینگ منطقه‌ده‌گی ترقه‌لیش سیاستی قبول قیلینمس مقیاسلرگه ایریشدی. ایران انقلاب محافظلری حزب الله و ایرانگه قره‌شلی پولیس کوچلری نینگ سوريه‌ده موجوديتی 60 مینگنی آشدی دیب معلوم قیلماقده. امریکا قوشمه ایالتلری آخرگی هجوم بیلن بعضی مهم هوائی مرکزلرینی نشان آلدی فقط عموماً حربي حرکت چیگره‌لی بولگنی کوریلماقده.
امریکا قوشمه ایالتلری باشچیلیگیده‌گی حربي حرکتدن آلدین، اسرائیل، T 4 قونلغه سی بیلن بیر قطارده، کوپلب ایران تامانیدن قوللنیلگن حربي مرکز‌لرگه وقتی- وقتی بیلن هجوم قیلماقده ایدی.
امریکا قوشمه ایالتلری باشچیلیگیده‌گی حربي هجومگه قرشی، روسیه و ایران بیره‌دیگن جواب کیلگوسی کونلرده ینه انیق حالگه کیله دی. دیرالزور منطقه‌سیده YPG تامانیدن نظارت قیلینگن نفت ساحه‌لریگه قره‌ته ایلگری باریش گه حرکت قیلیندی. امریکا قوشمه ایالتلری ییتکچیلیگیده خلق‌ارا ائتلاف بو تشبثگه قتّيق بیر جواب بیریب، هوا هجوملری و توپ آتیشلری بیلن ایلگریلشگه حرکت قیلگن عنصرلرگه توسیق بولدی.
فقط آخرگی امریکا قوشمه ایالتلری باشچیلیگیده‌گی حربي هجومدن سونگره، روسیه و ایران جواب صفتیده دیرالزور ترماغیگه قره‌ته کینگ کولملی بیر حربي حرکت باشله‌تیشی ممکن.
بو وضعیتده YPG تامانیدن نظارت قیلینگن و اهالیسی نینگ برچه‌سینی دییرلی عربلر تشکیل ایتگن منطقه‌ده‌گی نفت ساحه‌لری اوچون مهم بیر کوره‌ش دوام ایتیشی ممکن.
فقط روسیه و ایران نینگ عکس العمل‌لری نیمه بولسه بولسین، اسد حکومتی نینگ آخرگی کیمیاوي قورال هجومی خلق‌ارا جمعیت جهتیدن مهم بیر تأثیرگه ایگه‌دیر.
اوز خلقیگه قرشی کیمیاوي قورال قوللنگن حکومت نینگ قانونيلیگی بیر ینه محکمه قیلیشگه باشلندی.
حکومت تامانیدن قیلینگن اوروش جنایتیگه جزا بیریش مهم‌دیر. تورکيه جهتیدن حکومت نینگ انساني جنایتلر قیلگنی اوچون جزالنتیریلیشینی ممنونیت بیلن کوتیب آلر ایکن، روسیه و امریکا قوشمه ایالتلری اورته‌سیده‌گی کینگ کولملی بحران ایسه تورکيه آرزو قیلمه‌گن بیر سناریو ایدی. روسیه و امریکا قوشمه ایالتلری اورته‌سیده تورکيه نینگ واسطه‌چیلیگی نینگ رول اوینا‌شی، تورکيه نینگ سوريه موازنتیده کیلگن ستراتیژیک حالتی انیق دلیللردن بیری دیر. تورکيه نینگ واسطه‌چیلیگیده امریکا قوشمه ایالتلری بیلن روسیه اورته‌سیده‌گی دیپلوماتیک و حربي کاناللر تکرار آچیلدی. امریکا قوشمه ایالتلری روسیه نینگ وکیل عنصرلرینی مولجل قیلیب آلر ایکن، روسیه بو هجومگه توغریدن اره‌لشمه‌دی. تکنالوژیک رواجلنیش و مدافعه صناعتی نینگ کیلگن آخرگی نقطه نظرگه آلینگنده، خلق‌ارا کوچلر بیر- بیرینی توغریدن حربي معناده نشان آلیشی ممکن کوریلمه‌یدی. اقتصادي و سایبر اوروشلر بیلن بیر قطارده، طرف توتگن عنصر آرقه‌لی بیر اوروش یوریتیلماقده. امریکا قوشمه ایالتلری، روسیه نینگ وکیلینی اوریشیدن کیین، روسیه امریکا قوشمه ایالتلری نینگ سوريه‌ده‌گی حمایه گری بولگن YPGنی اوریب اورمسلیگی هم مراق ایتیلماقده.
سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایتدیک.
