دنیا نینگ کوزی آلدیده شرقي غوطه ده قتل عام یوز بیریب تورگن - 09
تحلیل و تیکشیروو
دنیا نینگ کوزی آلدیده شرقي غوطه ده قتل عام یوز بیریب تورگن
جان اجون
سوريه پایتختی نینگ شرقيده اورین آلگن و جوبر کبی دمشق شهر مرکزیگه عاید محلهلرنی اوز ایچیگه آلگن شرقي غوطه حدودی 2013- ییلیدن بیری اسد تیزیمی و تیزیم طرفدار جنگریلر نینگ قورشاوی آستیده . شرقي غوطه حدودی آخرگی پیتلرده اسد تیزیمی و روسیه نینگ اینگ کوپ هجومیگه دچار بولگن حدود حسابلنهدی.
3 کون ایچیده 250دن آرتیق تینچ اهالی نینگ اولدیریلیشی عاقبتیده نهایت بیرلشگن ملتلر تشکیلاتی خوفسیزلیک کینگشی ییغیلیب سوريه بویلب صلح بیتیمی اوستیده کیلیشووگه باردیلر. فقط بیرلشگن ملتلر تشکیلاتی خوفسیزلیک کینگشی قراری عملاً سوريهده اوروش نینگ و شرقي غوطهده قتل عام نینگ دوام ایتگن معناسیدهدیر. هجوملرده اینیقسه ساغلیک مرکزلری بیلن نانوایخانهلر کبی خلق نینگ آزیق-طعام احتیاجینی تأمین ایتگن جایلر نینگ نشان آلیشی منطقه خلقی نینگ باشیدن اوتهیاتگن فاجعهلرنی ینه هم یامانلشتیرماقده.
سیته( سیاست اقتصاد و جمعیت تدقیقاتلر جمغرمهسی) تدقیقاتچی- یازووچی جان اجون نینگ موضوعگه دایر فکر و ملاحظهلرینی اعتبارینگیزگه حواله قیلهمیز.
ادلب حدودیده آستانه جریانی دایره سیده TSK تامانیدن اوچ علیحده نظارت نقطهسی تشکیل ایتیلیشیدن سونگره نسبتی توقنه شمسلیک وضعیت حاکم بولدی. آستانه جریانیده ینه توقنهشمسلیک جاري ایتیلیشی کیرهک بولگن حمُص، غوطه و دیرا حدودیده ایسه TSK نینگ نظارت نقطهلری بحث موضوعسی ایمس. ادلبده توقنهشمسلیک باره سیده، اسد تیزیمی و تیزیم طرفداری جنگریلر شرقي غوطه حدودیگه یوباریلیب و کینگ کولملی حربي عملیات باشلهتدیلر.
زمینی حربي عملیات باشلشدن آلدین شرقي غوطه حدودی تیزیم و روس هوا کوچلری تامانیدن بمباردمان قیلینماقده. روسیه و اسد تیزیمی ناحربي- حربي دیب اجرهتمهسدن توریب حدودنی بمباردمان قیلدی و حلبدهگی وضعیتگه اوخشهش بیر شکلده « ‘scorched earth’ » ( یاقیب ویران قیلیب آرتده بیر نرسه قالدیرمسدن اوتیب کیتیش تخنیکی) استراتیژيسی تطبیق ایتیلماقده. اوشبو استراتیژي جهتیده شرقي غوطهده گویا بیر قتل عام صادر بولیشی سببلی بیرلشگن ملتلر تشکیلاتی خوفسیزلیک کینگشی ییغیلدی. روسیه نینگ رد ایتیش تهدیدی طفیلی خوفسیزلیک کینگشی تامانیدن ساحهده حقیقتی بولمهگن بیر عمومي صلح اعلان قیلیندی. داعش و القاعده ترور تشکیلاتلری هم صلح دایرهسیده بولیشی، چیکلاو میکانیزملرینی تشکیل ایتمسلیگی بیرلشگن ملتلر تشکیلاتی خوفسیزلیک کینگشی نینگ قرارینی مسوولیتسیز قیلماقده.
درحقیقت روسیه رسمي روشده سوريهده فقطگینه داعش و القاعده ترور تشکیلاتلری بیلن کورهشی دوام ایتماقده. فقط ساحهدهگی حقیقت، روسیه معتدل مخالفتنی بیرینچی آماج صفتیده بیلگیلنگن و حربي- ناحربي دیب اجرهتمهسدن توریب بمباردمان قیلینگنینی کورسهتماقده. علیحده بیرلشگن ملتلر تشکیلاتی خوفسیزلیک کینگشی آتش کیس قراری پایمال قیلینگن وضعیتده هیچ بیر چیکلاو میکانیزم تشکیل ایتیلمهگن بولیشی، قرارگه رعایه قیلیش ایسه کونگیللی لیک اساسيگه باغلیق معناسیگه کیلهدی.
علیحده روسیه نینگ شرقي غوطهدهگی اهرر اوش شام و جییس ال ıسلامی گروهلر هتش بیلن برابر حرکت قیلگنینی و صلح نینگ تشقریسیده توتیلگن بیاناتیده، بیرلشگن ملتلر تشکیلاتی خوفسیزلیک کینگشی قرار متنی یامان نیتلی شرحلرگه آچیق ایکنینی کورسهتماقده.
درحقیقت شرقي غوطهده گی احراالشام و جیس ال اسلام بیلن هتش اورتهسیده کوپلب توقنهشوو صادر بولگن و جیس الاسلام هتشدن کوپلب کیشی نظارتگه آلینگن. احرارالشام ایسه روسیه اوشبو بیاناتنی بیرگن پیتده ادلب حدودیده هتشگه قرشی کینگ کولملی بیر حربي عملیات یوریتماقده ایدی.
آچیق بیر شکلده، روسیه و اسد تیزیمی شرقي غوطه حدودیده عملگه آشیرگن هجوملرنی قتل عام صفتیده بهالش ایسه توغری بولهدی. شرقی غوطه اهالیسی کوپچیلیکده بولگن بیر منطقهدیر. قورشاو آستیده بولگن و توغریدن نشان آلینگن یوز مینگلب تینچ اهالی باسقیچمه- باسقیچ اولدیریلماقده.
روسیه بیرلشگن ملتلر تشکیلاتی خوفسیزلیک کینگشی قراریدن سونگره « یخشی نیت» کورستکیچی صفتیده هر کون شرقي غوطه حدودیده محلي ساعت بیلن 09.00 بیلن 14.00 آرهسیده «انسانی آتش کیس» اعلان قیلینگن. اعلان قیلینگن آتش کیس اسد تیزیمی و تیزیم طرفداری جنگریلر تامانیدن ایلک کوندهن اعتباراً پایمال قیلینگن و شرقي غوطه هجوملری دوام ایتگندیر. شرقي غوطهدهگی ملکی مدافعه ( آق کلاه لیکلر) گروهلریدن آلینگن معلوماتگه کوره، اسد تیزیمی، بیرلشگن ملتلر تشکیلاتی قراری و آرتیدن روسیه نینگ محلي ساعت بیلن 09.00- 14.00 آرهسیدهگی جاري بولهدیگن شکلده اعلان قیلگن آتش کیس گه قرهمسدن شرقي غوطهنی بمباردمان قیلشگه دوام ایتدی. تیزیم، محلي ساعت بیلن 09.30ده شرقي غوطهدهگی تینچ اهالی مسکونیلریدن دُمه، بَیت سوا و مرج منطقهلریگه توپ بیلن هجوم اویوشتیردی.
تورکيه ایسه آستانه جریانیده ضامن بولگن اولکهلردن بیری صفتیده شرقي غوطهدهگی توقنهشوولر، آستانه، جریانی طفیلی توختهتیشگه قرهته قدملر تشلنماقده. آستانه جریانی دایرهسیده روسیه و اسد تیزیمی شرقي غوطهگه قرهته هجوملرینی توختهتیش احتمالی، بیرلشگن ملتلر تشکیلاتی آرقهلی یوریتیلهدیگن قدملرگه مقایسه قیلینگنده ینه هم کتّه و تأثیرلی دیر. آستانه جریانی بیلن نتیجه آلینیشیگه قدَر، تورکيه حالی حاضر شرقي غوطهدهگی یرهدارلرنی تداوی قیلیش و انسانی یاردملرنی شرقي غوطهگه ییتکزیب بیریش اوچون سفربر بولگن وضعیتده.
شرقي غوطهده صادر بولگن انسانیت فاجعهسی اصلیده سوريه ایچیدهگی مرکّب موازنت روسیه و اسد تیزیمی یانداشوویدن کوپراق، بیرلشگن ملتلر تشکیلاتی ساختار معمالری طفیلی توسیق بولماقدهدیر. بیرلشگن ملتلر تشکیلاتی خوفسیزلیک کینگشی نینگ بیش دایمي اعضاسی دنیا تینچلیگی گه حصه قوشیش اورنیگه اوز منفعتلرینی توشونیب حرکت قیلماقدهلر. بوگون بلکه بیر ییچیم یولی تاپیب شرقي غوطه قتل عامینی توختهتیشی ممکن یاکه بو جهتدهگی برچه تشبثلر موفقیتسیز بولهدی.
فقط بیرلشگن ملتلر تشکیلاتی نینگ تیزیمی اوزگرمهگن تقدیرده دنیا بویلب ینه کوپلب شرقي غوطهگه توسیق بوله عالمیدی.
سیته(سیاست اقتصاد و جمعیت تدقیقاتلر جمغرمهسی) تدقیقاتچی- یازووچی جان اجون نینگ موضوعگه دایر فکر و ملاحظهلرینی اعتبارینگیزگه حواله قیلدیک.