تورکیه نینگ تروریزم گه قرشی کوره شی
تحلیل و تیکشیروو
تورکیه نینگ تروریزم گه قرشی کوره شی
تورکيه 30 ییلدن کوپ بیر مدت دن بیری تروریزم گه قرشی قرارلی روشده کورهشیب کیلماقده. بو جریانده PKK ترور تشکیلاتی هجوملری نتیجهسیده مینگلب انسان قربان بولر ایکن، مادّي معنوي جهتدن جدّي روشده ضررگه سبب بولدی. فقط آخرگی ییللرده تورکيه نینگ PKKگه قرشی دوام ایتتیرگن کورهشیگه قوشیمچه روشده عراق و سوريهده صادر بولگن انقراضدن فایدهلنگن داعش نینگ پیدا بولیشی و تورکيهده هم هجوملر اویوشتیریشگه باشلشی ینگی بیر معما صفتیده اورتهگه تشلندی.
بو وضعیت تورکيه نینگ PKK بیلن بیرگهلیکده داعشگه قرشی هم فعال بیر کورهش باشلهتیشیگه سبب بولدی. تورک خوفسیزلیک کوچلری تورکيه بویلب داعش و PKKگه قرشی یوتوقکلی عملیاتلر عملگه آشیریب ترور تشکیلاتینی کمدن کم قیلیشنی بجردی. سوريهده دوام ایتگن حاکمیت بوشلیگی و اوروش سببی بیلن اوزلریگه لوجیستیک مرکز و خوفسیز حدود توزگن داعش و PKK ترور تشکیلاتیدن کیلگن تهدیدلر اوچون سوريهده دوام ایتگن حاکمیت بوشلیگی و اوروش سببلی تورکيه چیگرهسیدن تشقری حربي عملیاتلر عملگه آشیرماق مجبوريتیده قالدی. فرات قلقانی حرکتی بیلن داعش تهدیدینی برطرف قیلگن تورکيه، زیتون یاله سی دیب ناملنگن حربي عملیات بیلن PKK نینگ سوريه قناتی بولگن YPG گه قرشی مهم بیر قدم تشلهدی .
عفرین حدودینی ییللردن بیری نظارتده توتگن YPG ترور تشکیلاتی،تورکيه نینگ ملي خوفسیزلیک جهتیدن مهم بیر تهدید تشکیل ایتماقده. امانوس تاغلری آرقهلی تورکيهگه کیریب کیلگن تروریستلر اوچون بیر سیزیش یولی دیب حسابلهگن عفرین منطقهسی و YPG عنصرلری، تورکيه اوچون ملي بیر تهدید تشکیل ایتماقده ایدی. حال بوکه سوريهدن تورکيهگه سیزگن کوپلب قورال تورلری و تروریست لرگه قرشی عملیاتی دایره سیده خوفسیزلیک کوچلری تامانیدن قولگه آلیندی. YPG نینگ عفریندهگی موجوديتی عینِ زمانده PKKگه جنگری تیارلش اوچون انسان منبعی حالیگه کیلگن وضعیتده. بوندن تشقری عفریندهگی YPG جنگریلری خلق ارا تبلیغ لری بیلن تورکيهده همده چیت ایلده کوپلب محیطنی تورکيه نینگ ضدیگه گیچ-گیچلب PKK ترور تشکیلاتیگه تبلیغ جهتیدن حمایه قیلیب کیلماقده. YPG اینیقسه کیلیس و ریحانلیگه قرهته عملگه آشیرهیاتگن هجوملریده کوپلب تینچ اهالی نینگ اولیمیگه سبب بولگن. زیتون یالهسی حربي عملیاتی یوتوقلی بیر شکلده نتیجهلنیشی تورکيه اوچون بو منطقهده چیگره خوفسیزلیگی جهتیدن کتّه اهمیت کسب ایتماقده. عفریندهگی ترور تشکیلاتی نینگ برطرف قیلینیشی عینِ زمانده PKK نینگ جنوب تامانیدهگی هجوملریدن عراقده و آق دینگیزگه بارگن ترور گذرگاهینی توزیش خیالیگه توسیق بولدی معناسیدهدیر.
PKK نینگ سوريه قناتی بولگن YPG سوريهده حکمران بولگن ساحه فقطگینه تورکيه نینگ ملي خوفسیزلیگینی خوفگه سالماقده. عینِ زمانده سوريه نینگ توپراق بیرلیگی اوچون هم کتّه خوف تشکیل ایتماقده. حالبوکه YPGگه قرهشلی بولگن KCK نینگ سوزده مأموریتی سوريه، عراق و تورکيه نینگ توپراقلرینی اوز ایچیگه آلگن « کردستان» خیالیدن واز کیچگنی یوق . حالبوکه عفرینده YPGدن قولگه کیریتیلگن منطقهلردهگی سوزده شهر حاکم لیکلریده و باشقه ییرلرده مذکور خریطهنی کوریش ممکن. YPG اوز حاکمیتی آستیده بولگن منطقهلرده سوزده شمالي سوريه فدرال حدودینی اعلان قیلگن و ساخته سیلاولری هم بولیب اوتگن.
باشقه تاماندن تورکيه نینگ زیتون یالهسی دیب ناملنگن حربي عملیاتی بیلن عفریننی YPG تشکیلاتیدن تازهلب عفرین حدودیدهگی محلي خلقنی ترور حاکمیتیدن قوتقریشنی اساسي مقصد قیلیب آلماقده. معلوم بولگنیدیک عفریندهگی اهالی نینگ کوپچیلیگی سوريهلیک کردلردن تشکیل تاپماقده. کوپلب کرد YPG نینگ ظلمیدن قاچیب تورکيه، عراق یاکه اروپا اولکهلریدن باشپناه سورب بو ییرلرده یشهماقده. فقطگینه تورکيهده YPGدن قاچیب کیلگن 300 مینگ نفر سوريهلیک کرد استقامت قیلماقده. عفرینده یشه گن و قاچماقچی بولگن سوريهلیک کردلر YPG تامانیدن توسقینلیک قیلینماقده و زورآورلیک بیلن بو ییرده توختهتیلماقده. تورکيه، سوريهلیکلردن تشکیل تاپگن ملي قوشین بیلن بیرگهلیکده عفریننی YPG عنصرلریدن تازهلب عفرین خلقینی قوتقریشنی مقصد قیلیب آلماقده. تورکيه نینگ عفرینده ترقتگن بیلدیرووده ایسه «عفرین عفرینلیکلر نینگدیر» دیب یازیلگن اوشبو بیلدیرووده ایسه تورکيه نینگ نیتینی معلوم قیلماقده.
زیتون یالهسی دیب ناملنگن حربي عملیات تورکيه جهتیدن کوپلب نتیجهسی بولگن بیر حربي حرکتدیر. تورکيه سوريهلیکلردن تشکیل تاپگن ملي قوشین کوچلری بیلن برابر عفریننی YPG جنگریلریدن تازهلش نیتیده. سوريه نینگ توپراق بیرلیگینی حمایه قیلیب سوريهلیک کردلرنی YPG نینگ ظلمیدن قوتقزهدی. داعشنی تورکيه چیگرهسیدن تازهلهگندن سونگره، تورکيه ایچیدهگی داعش ترور هجوملریده کوریلگن کمه ییش، عینِ زمانده YPG نینگ تورکيه چیگرهسیدن تازهله گندن کیین نتیجهلری ایسه انیق کوریله باشلهیدی.
زیتون یالهسی دیب ناملنگن حربي عملیات بیر دومینو تأثیری یرهتیب PKK/ YPGنی باشقه حدودلرده هم جدّي روشده ضعیف حالگه کیلتیرهدی. منبیچ، هاسیکی، رقه و دیرالزورده ترور تشکیلاتی تامانیدن قورقیتیلیب کیلگن منطقه خلقی ایندی عصیان قیلیشگه باشلهدی. منبیچده خلق عصیان قیلگن وضعیتدهلر . ترورنی حمایه قیلیب کیلگن امریکا قوشمه ایالتلری کبی اولکهلر بو ایش نینگ جدّي تن نرخی بولگنی و دوام ایتتیریش ممکن بولمهگنی بارهسیده بیر نقطهگه قرهب باریشی ایسه جوده آشکار ایکنینی کوره باشلهدی.