تورکیه نینگ غرب قره ته تشقی سیاستی
تحلیل تیکشیروو
![تورکیه نینگ غرب قره ته تشقی سیاستی](http://cdn.trt.net.tr/images/xlarge/rectangle/7842/16b0/1f81/5a538903755de.jpg?time=1719239749)
تورکیه نینگ غرب قره ته تشقی سیاستی
غرب مرکزلی موجود گلوبال تیزیم آدیم آدیم چوکیب بارماقده فقط اورنینی باسه دیگن ینگی تیزیم هم تاپیلگنی یوق. خلق ارا ترتیب جهتیدن قیین بیر دورنی عکس ایتتیرماقده. تورکيه جهتیده مهم قرشیلیک کورسه تیشلر بیلن بیرگه لیکده بونی فرصتلرگه هم ایلنتیرماقده. تورک تشقی سیاستیده قیلگن اوزگریشلر بیلن اوشبو قیین دورگه ماسلیک تأمین ایتیش اوچون سعی- حرکت قیلماقده. تورکيه آخرگی ییللرده روسیه کبی ترقی قیلگن ینگی کوچلر بیلن یخشی علاقه اورنهتیش اوچون حرکت قیلر ایکن باشقه تاماندن هم غرب عالمی نینگ ایچیدهگی بولینیشلردن هم ثمره لی فایده لنیشگه حرکت قیلگنینی کورسه تماقده.
اینیقسه امریکا قوشمه ایالتلری بیلن علاقه لر کیسکینلشیب باره یاتگن بیر وقتده، تورکيه نینگ فرانسه و بویوک بریتانیا کبی اولکه لر بیلن علیحده-علیحده ینگی قاعده-قانونلرده جای آلگنی کوزهتیلماقده. بو جهتده جمهور رئیس رجب طیب ایردوغان نینگ آخرگی فرانسه سفری علیحده اهمیت کسب ایتماقده. اوشبو سفر دایرهسیده تورکيه نینگ اروپا علاقهلری و مدافعه صناعتیدهگی همکارلیک بیتیملری جهتیدن مهم اوزگریشلر قید ایتیلدی.
آخرگی پیتلرده اروپا اتفاقیگه اعضالیک جریانی توختب قالیشی تورکيه نینگ اینیقسه رفراندوم جریانیدهگی جرمني نینگ طرف توتیش اسلوبی یوزه سیدن توختب قالگن ایدی. اروپا پارلمانی نینگ اعضالیک جریانینی توختهتیش طلبی، اروپا اتفاقی کینگشی تامانیدن قبول قیلینیشی حتا مهم بیر کورسه تگیچ حسابلنه دی.
مکرون ایسه، هم اروپا اتفاقی همده تورکيه تامانیدن اروپا اتفاقی اعضالیک جریانیدهگی ایکّی یوزلهمهچیلکگه یکون یهسهب اعضالیک اورنیگه شریکلیک اوستیده ایشلشیمیز کیرهک دیب مدافعه قیلدی. اینیقسه 15- جولای فتوچی حربي تونتریش تشبثیدن سونگره ترنگلشگن علاقهلرده، حربي تونترووچیلر نینگ قولگه آلینیشینی بهانه قیلگن اروپا اتفاقی، تورکيهگه آلماندن ینه هم یقین بولگن فرانسه آرقهلی ینگی همکارلیک یولینی تارتیشووگه آچماقده. اوته ملیتچی سیاسي آقیملر، اقتصادي انقراضلر و بویوک بریتانیا نینگ اروپادن چیقیشی سببلی معمالر بیلن دوچ کیلگن اروپا اتفاقی، تورکيه و انگلستان آرقهلی ینگی همکارلیک یوللرینی تکامللشتیریشگه حرکت قیلماقده. جرمني تشقی ایشلر وزیری Siegmar Gabriel انگلستان مودلی تورکيه اوچون بیر الترناتیف تشکیل ایتیشینی معلوم قیلگن ایدی.
باشقه تاماندن تورکيه جهتیدن فرانسه سفرینی مهم و ثمرهلی قیلگن باشقه ایکّی اصل عنصر هم موجود.
بیرینچیسی سیاسي اتفاقلرنی تورلیلشتیریش ایکّینچیدن مدافعه صناعتیده همکارلیکنی کوپه یتیریش.
امریکا قوشمه ایالتلری بیلن PKK/YPG سببلی جدّي معمالر بیلن دوچ کیلگن تورکيه، ترامپ نینگ بیت المقدسنی اسرائیل نینگ پایتختی دیب اعلان قیلیشیدن کیین ایکّی اولکه اورته سیدهگی علاقهلر ینه هم ترنگلشدی. اوستیگه اوستهک تورکيه باشچیلیگیده بیرلشگن ملتلر تشکیلاتیده امریکا قوشمه ایالتلریگه قرشی تاریخي بیر قرار آلینیشی، تامانلر اورته سیدهگی بحران نینگ ینه هم یامانلشیشیگه سبب بولدی. امریکا قوشمه ایالتلری بیلن علاقهلر ترنگلشگن بیر وقتده تورکيه تشقی سیاستیده غرب عالمیده اتفاقلر نینگ تورلیلشیشی اوچون قدملر تشلندی. اروپا اتفاقیده هالند و جرمني بیلن علاقهلر معمالی بولگن بیر وقتده، انگلستان و فرانسه بیلن علاقه لرینی دوام ایتتیرگن خلق ارا اکتورلر اورته سیده موازنت سیاستی ایزلب اوز ملي منفعتلرینی کوپراق قیلیشگه حرکت قیلماقده. انگلستان نینگ اروپادن چیقیش قراری سببلی فرانسه و آلمان نینگ کوچلی اروپا اتفاقیده، جرمني گه مقایسه قیلگنده تورکيه بیلن همکارلیک منطق اساسیده رواجلنیشی کیرهک دیب مدافعه قیلگن فرانسه بیلن تورکيه نینگ علاقه لری ایجابي جهتده دوام ایتماقده. تورکيه جهتیدن فرانسه بیلن همکارلیک جرمني نینگ آخرگی وقتده تورکيهگه قرشی سلبي اسلوبی نینگ الترناتیفی صفتیده کوریلماقده.
فرانسه سفری نینگ باشقه بیر مهم تامانی ایسه مدافعه صناعتیدهگی همکارلیکدیر. EUROSAM بیلن مدافعه صناعت مصلحتچیلیگی اورتهسیده اوزاق مصافهلی حدود هوا و راکت مدافعه تیزیمی لایحهسی باسقیچ- B بیتیمی، جمهور رئیس ایردوغان بیلن مکرون حضوریده امضالندی. ایتالیا هم شریک بولگن هوا و راکت مدافعه تیزیمی لایحهسی تورکيه جهتیدن کتّه اهمیت کسب ایتماقده. روسیهدن S -400 هوا و راکت مدافعه تیزیمینی ساتیب آلیش بیتیمینی یکونلهگن تورکيه، عینِ وقتده ناتو اتفاقداشلری بیلن هم برابر علیحده بیر هوا و راکت تیزیمینی تکامللشتیریشگه حرکت قیلماقده. شوندهی قیلیب هوا ساحهسینی بیردن کوپ فرقلی تیزیملر بیلن حمایه قیلیشنی نظرده توتگن تورکيه، احتمالی و هر جهتدن کیله دیگن خوف-خطرگه قرشی چاره- تدبیر آلگن وضعیتده.
مدافعه صناعتیده آخرگی پیتلرده مهم لایحهلرگه امضا قیلگن تورکيه، خلقارا تشقی سیاستیدهگی اتفاقلرینی تورلیلشتیریش سیاستی مدافعه صناعتیده هم عکس ایتماقده. جرمني و امریکا قوشمه ایالتلری بیلن اوزاق مدتدیر دوام ایتیب کیلگن مدافعه صناعتیدهگی همکارلیک سیاسي باسیم واسطهسی صفتیده ایکّی اولکه تامانیدن فایدهلنیشیگه قرشی،
تورکيه انگلستان، فرانسه، روسیه، اوکراین، پاکستان و باشقه اولکهلر بیلن هم همکارلیکنی تکامللشتیریب بیر تاماندن همکارلیکنی هر تامانلمه تورلیلشتیرماقده، باشقه تاماندن ملي مدافعه صناعتینی کوچه یتیریب چیت ایلگه بولگن وابسته لیکنی کمه یتیرماقده.
جمهور رئیس رجب طیب ایردوغان فرانسه سفریده یوقاریده ذکر ایتیلگنلر بیلن بیر قطارده جوده کوپ سانده مهم بیتیم ینه امضالندی. تورک EXIMBANK و Bpifrance Assurance Export اورتهسیده اوز ارا قیته سوغورته لش بیتیم امضالندی. بوندن تشقری ایربس و تورک هوا یوللری اورته سیده 20+5 اختیاری A 350-900 نی ساتیب آلیش اوچرهشوولریگه باشلش بارهسیده کیلیشوو قیدی امضالندی.
نهایت تورکيه غرب عالمی ایچیدهگی بولینیشلردن فایدهلنیب ینگی اتفاقلر توزماقده. اوز منفعتلریگه بیرینچی اورینده اهمیت بیرگن قدملر تشلشگه دوام ایتماقده. اوشبو قدملر تورکيهنی امریکا قوشمه ایالتلری-جرمني کبی اولکهلر قرشیسیده ینه هم کوچهیتیرماقده. 1