شمالی سوریه ده ینگی حادثه لر

شمالی سوریه ده ینگی حادثه لر

ترکیه بیر تاماندن بعضی بیر اروپا اولکه لری نینگ دیپلوماسی گه ماس بولمه گن حرکتلری بیلن دوچ کیلیب قالگن باشقه بیر تاماندن ایسه ریفراندوم هیجانینی یشه ماقده دیر. عین دمده سوریه نینگ شمال تامانیده مهم حادثه لر یوز بیرماقده. بیز هم بو هفته موضوع بیلن تیگیشلی اوله راق آتاترک عالی بیلم یورتی خلق ارا علاقه لر بولیمی اسیستانت لریدن جمیل دوغاچ ایپک نینگ یازووینی تقدیم ایته میز.

ترکیه نینگ حمایه سی بیلن آزاد سوریه اردوسی داعش نی مغلوبیت گه اوچره تیب الباب نی قولگه کیریتدی. شونده ی بولیب فرات قالقانی حرکاتی آلیب باریلگن منطقه گه دقت ترتیلدی. ترکیه، نوبت ده گی آماجی نینگ قیسقه مدت اوچون منبیچ اوزاق مدت اوچون رقه ایکن لیگینی معلوم قیلدی. بو استراتیژی نینگ آماجی شمالی سوریه نی تروریزم دن تمیزلش دیر. بو شکلده اوی – جایلریدن بدرغه بولیب چیققن لرنینگ قیتیب باریش لری اوچون خوفسیز منطقه تأمین ایتیلماقچی ایدی. آزاد سوریه اردوسی منبیچ گه قره ب آدیم آتماقده ایکن، وضعیت آنیدن اوزگریب کیتدی. منبیچ حدودیده گی PKK/YPG  کوچلری جایلرینی اسد حکومتی گه ترک ایتیب کیتدی. اسد حکومتی و بعضی بیر روس عسکرلری منبیچ گه کیریب باردی. امریکا قوشمه ایالتلری بو حمله گه سیس چیقرمه ی قبول قیلدی. منبیچ نینگ آرتیدن عفرین ده هم روس عسکرلری YPG نی حمایه سی آستیگه آلدی. شو شکلده داعش بیلن حدودی قالمه گن ترکیه نینگ YPG  نی اوروش احتمالینی برطرف قیلماقچی بولماقده لر. عین دمده امریکا قوشمه ایالتلری و روسیه، PKK/YPG  دن استفاده ایتیش اوز کنترولی آستیگه آلیش اوچون رقابت قیلماقده لر.

        ترامپ اداره سی نینگ حاضرگچه سوریه سیاستی انیقلنمه گن. لیکن پنتاگون نینگ PKK/YPG  کوچلرینی داعش گه قرشی کوره ش استفاده قیلماقچی بولگن لیگی دوام ایتماقده. ایککی اولکه آره سیده گی رقه موضوعسی نینگ بویوک بیر بحرانگه یوز بیریشی ممکن. امریکا قوشمه ایالتلری مرکزی کوچلر قومندانلیگی نینگ روزگذرلیک قیلیب PKK  بیلن شراکت لیک ایجاد ایتگن لیگی اورته و اوزاق مدت لیک امریکا قوشمه ایالتلری نینگ باشیگه درد بولیشی ممکن. امریکا، ترکیه نینگ حساسیت لریگه اهمیت بیرمه سه؛ سوریه ده موفقیت قولگه کیریتیش احتمالی جوده آز دیر. موفقیت قولگه کیریتگنده ایسه استقرارنی تأمین ایتیشی جوده قیین دیر.

روسیه ایسه اسد حکومتی آتیدن مدنی مختاریت بیریش وعده سی بیلن PYD/YPG نی یانیگه آلماقچی. روسیه نینگ سوریه ده PYD/YPG نی حمایه قیلیشی ینگی بیر حادثه ایمس. PYD/YPG نینگ منسوبی بولگن پی کاکا بیلن روسیه نینگ مناسبتی نینگ قیرق ییل لیق بیر اوتمیشی باردیر. حلب نینگ محاصره جریانیده روسیه، اسد حکومتی و PYD  بیلن بیرگه لیکده حرکت قیلدی. بوگون هم روسیه PKK/PYD نینگ نه امریکا قوشمه ایالتلری ونه ایریم بیر دولت نینگ نزدیده مطرح بولیشینی خواهله مه یدی. هم امریکا همده روسیه جهتیدن PKK/PYD/YPG  بیلن رقه گه کیریش، منبیچ نی PYD  گه ترک ایتیش کبی آدیملر جوده خطر دیر. نفوسی سنی، عرب و ترکمن کوپراق بولگن رقه نینگ مارک سیست/ ستالینیست PYD  گه ترک ایتیلیشی و بوجایده یوز بیره دیگن حرب جرم لری ییل لر بوییچه دوام ایته دیگن ینگی بیر اتنیک اوروشی گه باعث بولیشی ممکن.

باشقه بیر تاماندن سوریه لیک مخالف لرنینگ دمشق و حماده گی عملیاتلری عادی بیر حرکت ایمس. یقین پیتده لاذقیه ویا غربی حلب ده ینگی بیر توقنه شوو یوز بیریشی ممکن. ترکیه نینگ سوریه و عراق ده گی محلی گروه لر بیلن فعالیت آلیب باریش ظرفیتی و جبهه لرگه تأثیر قالدیریش قابلیتینی کم کورمس لیک کیره ک. ترکیه حاضرگچه داعش گه قره ته آلیب بارگن مجادله بیلن حدودینی داعش نینگ قولیدن قوتقردی. بو مرحله ده ترکیه، داعش نی ایمس پی کاکانی اولویت گه قرار بیرماقده. شو پیله ترکیه نینگ اوز توپراقلری نینگ ایچیده تهدید ایجاد ایتیب تورگن سوریه ده گی پی کاکا ساختاری گه دقت ترتیشی طبیعی بیر حادثه دیر.

        نتیجه ده PKK/PYD بیر ترور تشکیلاتی دیر. بو ترور تشکیلاتی بیر تاماندن ستالینیست آیدولوژیسی گه ایگه بولگن لیگینی ادعا ایتماقده. باشقه بیر تاماندن امریکا، اسد حکومتی و آلمان کبی وسیع بیر متفق گروهی گه ایگه دیر. PKK/PYD  شو پیله سوریه نینگ شمال تامانیده بیر مستقل دولت قوریش خیالی ایچیده دیر. قیسقه مدت آلدین هم ترکیه ده خندق قازیب تروریستیک فعالیت لری بیلن خود مختارلیک اعلان قیلیش خیالی ایچیده ایدیلر. خارجی گروه لرنینگ حمایه سیگه بناً پی کاکا نینگ امیدلری خندق لرگه دفن قیلیندی. اورته شرق نینگ تاریخیده باشقه لرنینگ پروژه لری بیلن اوز هدف لرینی عملی قیلماقچی بولگن دستکی لرنینگ خراب بولیب کیتگن لیگی کوریلماقده. نتیجه ده امریکا قوشمه ایالتلری و روسیه نینگ دوره ئی و قسمی حمایه سی PKK/PYD نی ترکیه نینگ قولیدن نجات بیریالمه یدی. سونگی پیتلرده توسعه قیلیب تورگن ترک – روس همکارلیگی، سوریه ده ایجاد ایتیلگن ینگی توازن نینگ اوزگریشی گه تاٍثیر قالدیریشی ممکن. خودی شو اوچون ترکیه بیر تاماندن ساحه ده اوز کوچینی اثبات ایتماقده ایکن، باشقه بیر تاماندن امریکا قوشمه ایالتلری و روسیه بیلن جدی بیر شکلده دیپلوماسی پروسه سینی آلیب باریشی کیره ک.

در حقیقت شو پیله ساحه شمالی سوریه ده تار بولیب قالگن. برچه گروه لر ترکیه ده گی ریفراندوم نی کوتیب تورگن. پنتاگون نینگ کوشیشی گه بناً انیق اوله راق PYD  بیلن همکارلیک ایجاد قیلمه گن ترامپ انیق قرارینی ترکیه ده گی ریفراندوم نینگ نتیجه سیگه کوره بیره دی.