جمهور رئیس ایردوغان نینگ خلیج اولکه لری سفری

ترکیه جمهوریتی جمهور رئیسی رجب طیب ایردوغان نینگ منامه گه قیلگن سفری جریانیده، ترکیه بیلن بحرین آره سیده 4 همکارلیک کیلیشوویگه قول قوییلدی.

اوشبو کیلیشوولر ترکیه تشقی ایشلر وزیری مولد چاووش اوغلی، اقتصاد وزیری نهاد زیبکچی، انرژی و معدن وزیری برات آل بیراق، ملی مدافعه وزیری فکری ایشیق بیلن جمهور رئیس رجب طیب ایردوغان و بحرین شاهی حمید بن عیسی الخلیفه نینگ هم اشتراکی بیلن امضالندی.

فارس خلیجی نینگ جنوبیده گی اوچ اولکه ده تورت کون دوام ایتگن سفری نینگ ایلک مرحله سیده یک شنبه کون بحرین نینگ پایتختی منامه گه بارگن جمهور رئیس ایردوغانگه مذکور کیلیشوولرگه قول قوییلمسدن آلدین بحرین نینگ یوکسک مرتبه لی شیخ عیسی بن سلمان الخلیفه میدالی تفویض ایتیلدی.

میدالی تفویضی جریانیده جمهور رئیس ایردوغان شولرنی ایتدی: " ترکیه، یخشی یمان کونده هر پیتده بحرین نینگ یانیده توره دی."

"ترکیه ده اوتگن اگست آییده اوچره شوونینگ قاله ویرسه کودتا تشبثی یوز بیرگن قیین کونلرده یانیمیزده توروب، کونگلیمیزده دائمی اورین آلگن سیز. بو بار بو دوست توپراقلرده بحرین نینگ بو میدالی بیلن بیزنی فخرلندیردینگیز."

ایردوغان، "مین بو میدالنی هم ترکیه – بحرین آره سیده گی دوست لیگی همده ترکیهئ بحرین خلقی نینگ دوست لیگی نینگ نشانه سی اوله راق قبول قیله من. عین اراده و قاطع لیکنی سیزلرگه هم کورگن لیگیم اوچون خرسندمن."  

جمهور رئیس " مسلمانلر بیر بنانینگ خشت لری کبی دیر. خودی شو اوچون ایککی اولکه نینگ مشترک کوشیشی بیلن ترکیه – بحرین آره سیده گی دوست لیک نینگ دائیمی بولیشی و ایناغه چیلیک نینگ آرتیب باریشی اوچون حرکت قیله میز. منطقه میزگه تینچ لیک، حضور و آیدین لیک برقرار قیلیش اوچون قولمه – قول بولیب فعالیت الیب باررلیگیمزگه ایشانه من."

عین دمده الخلیفه، بحرین نینگ اینگ یوکسک مرتبه لی میدالینی جمهور رئیس ایردوغانگه تفویض ایتگونچه: "سیز، اسلام دنیاسیگه خذمت قیلیش اوچون کوپ کوشیش قیلیب تورگن سیز."

الخلیفه، مذکور میدال نینگ منتدارچیلیک و بویوک خرسندلیک نینگ نشانه سینی بیلدیریب، جمهور رئیس ایردوغانگه خطاباً "بو میدال سی تامان اسلام دنیاسیگه قره ته آلیب باریلگن کوشیش و جدی خذمت لرینگیز باعث تفویض ایتیلماقده دیر. چونکه سیز اسلام دنیاسی و انسان لیک اوچون کوپ کوشیش قیلیب تورگن سیز."

ترکیه جمهور رئیسی رجب طیب ایردوغان دوشنبه کونی، خلیج اولکه لری بیلن ارتباط نی کوچلی قیلیش مقصدی بیلن اویوشتیرزگن سفری نینگ ایککینچی مرحله سیده سعودی عربستانگه باردی.

خصوصاً سوریه توقنه شوویده مخالف گروه نی حمایه قیلیب تورگن ایککی سنی کوچ آره سیده گی مناسبت لر اوتگن ییل یخشی راق بولیب باردی.

جمهور رئیس ایردوغان یک شنبه کون سفریگه باشلش مقصدی بیلن بحرین گه حرکت قیلمسدن آلدین بیرگن بیاناتیده ترک کوچلری نینگ و سوریه لیک عاصی متفق لرنینگ الباب نینگ مرکزیده ایکن لیگینی بیلدیردی.

سعودی نینگ شاهی سلمان نینگ 2015- ییلی اقتدارگه کیلگن لیگیدن بویان ریاض و انقره آره سیده گی مناسبتلرده بحران نینگ آرتیدگی بیر جریانده علنی بیر شکلده توزه لیب کیتدی. اپریل آیی 2016 – ییل شاه سلمان، جمهور رئیس ایردوغاننی زیارت قیلدی. جمهور رئیس ایردوغان، سلمانگه دولت نشانی بیردی.

ترکیه ده انجیرلیک قونلغه سیده ترور تشکیلاتی داعش اعضاسی جنگری لرگه قره ته واشنگتن تامانیدن آلیب باریلگن ائتلاف دایره سیده سعودی حربی اوچاقلری هم موجود.

یک شنبه کون منامه ده بیرگن بیاناتیده جمهور رئیس ایردوغان، سوریه نینگ شمال تامانیده توقنه شوولر باعث بدرغه بولگن انسانلر باره دیگن "خوفسیز بیر منطقه" ایجاد ایتیلیشی اوچون دعوت ایتدی.

سعودی تشقی ایشلر وزیری عادل الجبیر اوتگن هفته انقره ده ایککی اولکه آره سیده گی مناسبت نی تقویه قیلیش مقصدی بیلن بیر شورای هماهنگی توغریسیده همفکر ایکن لیکلرینی بیلدیردی.