همه میز نینگ امنیتی نینگ تامین ایتیلمسدن هیچ قیسی میز نینگ امنیتی میز نینگ تامین ایتیلیشی ممکن ایمس

همه میز نینگ امنیتی نینگ تامین ایتیلمسدن هیچ قیسی میز نینگ امنیتی میز نینگ تامین ایتیلیشی ممکن ایمس. 

ترکیه نینگ همه میز گه قرشی بیر تهدید دن عبارت ترور تشکیلاتی داعش گه قرشی کوره ش نی حمایه له گن لیگی دیک, متفق لری نینگ هم ترور تشکیلات لری دن عبارت پی کا کا و فتو گه قرشی کوره ش نی حمایه ایتیش لری نی کوتیشی مشروع بیر حرکت دن عبارت. 

میلادی 2016 نچی ییلی جولای آیی نینگ 15 نچی کونیده بیر کودتا تشبثی قیین چیلیگی گه دوچ کیلیب قالگن ترکیه نینگ ایندی پی کا کا, داعش و فتح الله چی ترور تشکیلاتی موازی دولت ساختاری FETÖ/PDY کبی ترور تشکیلاتلری تهدیدی گه قرشی کوره ش آلیب باریش گه مجبور بولیب قالگن لیگی کورینماقده. ترکیه نینگ امنیتی نینگ اولرنینگ هم امنیتی جهتی دن اوزی گه خاص بیر اهمیت گه ایگه ایکن لیگی سببلی, ترکیه نینگ متفق لری نینگ هم اوشبو ترور تشکیلات لری گه قرشی کوره ش آلیب باریش لری اولرنینگ منفعتی گه اویغوندیر.  خلق ارا مقیاسده گی مفکوره اساساً: "همه میز امنیت ایمس لیگی میز تقدیرده, هیچ قیسی میز امنیتده ایمس میز" مفکوره سیدن عبارت. 

ترکیه اون ییل لر دوامیده ترور تشکیلاتی پی کا کا گه قرشی کوره ش آلیب بارماقده.  اوتمیشده گی ناتوغری سیاست لر پی کا کا نینگ فعالیت لری نینگ آرتیب کیتیشی گه حصه قوشدی. شونده ی قیلیب کیچ قالینگن کُرد ملیتچی لیگی نینگ پیدا بولیب قالیشی گه سبب بولدی. 

ترکیه جمهوریتی جمهوررئیسی رجب طیب اردوغان, باش وزیرلیگی پیتیده قوراللی کوره ش نینگ توخته تیلیشی اوچون ایریم جسور قرار لر آلدی.  کرد لرنینگ کوپ بولگن جای لر ده سرمایه گذارلیک لر میزانی نی آرتیردی.  کرد کیم لیگی نی تن آلدی, کرد تیلی ممنوعیتی نی بیکار قیلیب قویدی و اینگ مهمی ایسه کرد لرنینگ ترک لر بیلن تینگ حقوق گه ایگه ایکن لیگی تویغوسی نی حاکم قیلدی. 

تینچ لیک پروسه سی نامیده گی اوشبو نیرسه نینگ اساسی مقصدی ایسه ترور تشکیلاتی پی کا کا نینگ قوراللری نی ییرگه قویشی دن عبارت ایدی.  بیراق, پی کا کا قوراللرینی ییر گه قویش اورنی گه و قماق خانه ده گی رهبری عبدالله اوجالان نینگ دعوتی گه قره مسدن, اوز تروریستیک فعالیت لری نی آرتیریب یوباردی.  کوپلب کیشی لرنی جذب ایتیب هجوم لری نی شهر لر ده هم اویوشتیریب باشله دی. 

کرد لر گه طرفدار خلق لرنینگ دموکراسی سی حزبی تینچ لیک پروسه سی نی حمایه لش وعده سی بیلن ترکیه جمهوریتی پارلمانی گه کیردی.  اوشبو حزب اوز وعده سی گه وفا قیلیش اورنی  گه ترور تشکیلاتی پی کا کا نینگ سوزلاوچی سی وضعیتی گه کیلیب قالدی و ترور تشکیلاتی نینگ اینگ یمان حمله سی نی قاره لش گه جسارت ایتمه دی.  شونده ی قیلیب اوشبو حزب پی کا کا نینگ قورال سیزلشتیریلیشی بوییچه جدی بیر فعالیت آلیب بارمه دی.  بونینگ اورنی گه پی کا کا گه قره تیلگن تنقید لرنی یومشه تیش گه حرکت ایترایکن, جمهوررئیسی اردوغان نی یمان لش یولی نی ترجیح ایتدی. 

جمهوررئیسی اردوغان کوپلب جای لرده تینچلیک پروسه سی نینگ توخته تیلگن لیگی نی و اوشبو موضوع بوییچه موفقیت نینگ بیرته گینه یولی نینگ پی کا کا نینگ قورال سیزلشتیریلیشی دن عبارت ایکن لیگی نی بیلدیریب کیلدی.  حاضرگی کونده پی کا کا نینگ هدفی نینگ  کرد مسئله سی نی ییچیش ایمس, بلکه ترور تشکیلاتی اوله راق اوز فعالیت لرینی دوام ایتتیریش دن عبارت ایکن لیگی درک ایتیلگن وضعیتده.  دموکراسی ده بیر مسئله گه تینچ لیک سیور ییچیم یولی قدیریلرایکن, تروریست گروه لر نینگ موجودیتی گه اجازت بیریلمیدی.  پی کا کا و سیاسی نماینده لری تامانیدن کرد مسئله سی اوله راق تقدیم ایتیلگن نیرسه کرد لرنینگ حقیقی مشکلاتی بیلن هیچ قنده ی بیر ارتباطی یوق.  عکسینچه اوشبو تامان لر, اوز هدف لری نی کرد مسئله سی کبی انعکاس ایتتیرماقده. 

بیزنینگ ترک لر و همده کرد لرنی اولدیریتگن بیر پی کا کا معما میز موجود.  پی کا کا اوتگن هفته نینگ اوزیده گینه دیاربکر, وان, ایلازیغ و بیتلیس ده منفجره مواد یوکلنگن موتر لر بیلن اویوشتیرگن تروریستیک هجوم لری آرقه لی اونلب امنیتی پرسونل و ملکی نی اولدیردی. 

اوروپا و امریکا قوشمه ایالتلری, ترکیه نی پی کا کا نی نادولت تشکیلات اوله راق بهالنتیریش گه چقریش اورنی گه اوشبو گروه نینگ قنده ی بیر ترور تشکیلاتی دن عبارت ایکن لیگی نی درک ایتیشی کیره ک.  شونده ی قیلیب پی کا کا نینگ برچه تروریستیک هجوم لری نی هیچ قنده ی بیر شرایط نی مطرح قیلمسدن قاره له شی و اوشبو ترور تشکیلاتی نینگ اوروپا شهر لری ده گی مالی منبع لرینی توخته تیشی ضروری. 

سوریه ده داعش گه قرشی کوره آلیب باریلرایکن, پی کا کا نینگ سوریه ده گی شریکی دن عبارت پی وای دی نینگ حمایه ایتیلیشی ستراتیژیک بیر اشتباه دن عبارت ایدی.  پی کا کا سوریه ده گی ایچکی اوروش لر دن فایده له نیب اوشبو جغرافیه ده اوزی گه جای اقترماقده. 

سوریه ده ایچکی اوروش لر دوام ایتگن سری, بشار الاسد رژیمی دمشق, حلب و اولکه نینگ قالگن قسم لریده عیال لر و باله لر دیمسدن ملکی لرنی بمباردمان ایتیش گه دوام ایته دی.  ظلم لرنینگ ینگی تصویر لری تاپیلر ایکن, دنیا نینگ اوشبو وضعیت گه قرشی عکس العمل کورستمه گن لیگی ایسه اویه لیشی کیره ک بولگن بیر وضعیت دن عبارت.  سوریه اوروشی نینگ ایککی ظالمی دن عبارت بشار الاسد رژیمی بیلن داعش بیر بیر لری بیلن همکارلیک ایتماقده.  سوریه ده گی اوروش اداغگه ییتمسدن داعش تهدیدی یوق بولمس ایکن, بشار الاسد سوریه نی ترک ایمسدن اوشبو اولکه ده تینچ لیک نینگ تامین ایتیلیشی هم ممکن ایمس.  سوریه بیلن 711 کیلومتر لیک چیگره سی بولگن ترکیه کتته بیر یوک تاشیماقده.  بیراق, اوشبو خصوصده اینگ کوپ متضرر بولگن تامان سوریه خلقی دن عبارت. 

ترکیه, داعش گه قرشی کوره ش بوییچه همه اولکه لر دن هم کوپراق فعالیت آلیب باردی.  داعش گه قرشی خلق ارا ائتلاف نینگ بیر بولگیدن عبارت بولیشی و هوائی عملیات لر اوچون قونلغه لریدن ائتلافی کوچ نینگ استفاده ایتیشی گه اجازت بیریشیدن تشقری, 50 دن آرتیغراق داعش اعضاسی نی اوشله دی یاکه اوشبو کیشی لر نی ترکیه گه کیلیش لری گه اجازت بیرمه دی.  ترکیه, سوریه لیک مهاجر لرنینگ کیلیب باشله گن پیتده چیگره لر ده گی امنیتی تدبیر لر نی آرتیریب یوباردی.  عینی دمده چیگره ده گی ولایت لری داعش نینگ راکت لری گه هدف بولدی.  بوندن تشقری داعش انقره و استانبولده تروریستیک هجوم لر اویوشتیریب کوپلب کیشی نینگ جان بیریشی گه سبب بولدی.

پی کا کا گه قرشی کوره شده بولگن لیگی دیک, اوشبو خصوصده هم ترکیه جوده آز یاردم کسب ایتدی.  ایریم اوروپا اولکه لری اوز امنیتی تدبیر لری و استخباراتی همکارلیک لری نی آرتیریش اورنی گه, اوروپا دن کیلگن داعش تروریست لری مظنون لری نی اوشله گن لیگی سببلی ترکیه نی تنقید ایتدیلر.  اوشبو اولکه لرنینگ خودی منه شوو تروریست لر بیلن علاقه لی اوز وجیبه سی نی بجا کیلتیرمس لیگی تقدیرده, ترکیه نینگ اوروپا دن کیلگن مذکور تروریست لر حقیده قنده ی قیلیب معلومات ایگه سی بولیشی ممکن؟ بیر نیچه داعش تروریستی ترکیه دن هیده ب یوباریلیش لری آرتیدن فرانسه و بلجیمده اوز تروریستیک هجوم لرینی اویوشتیردی. 

کینگ کولملی بیر فعالیت نینگ عمل گه آشیریلمس لیگی تقدیرده, داعش نینگ یوق ایتیلیشی ممکن ایمس.  سوریه ده گی ایچکی اوروشلر, افغانستان, عراق, لیبیا و باشقه ایریم اولکه لر ده گی ضعیف حکومت لر داعش نینگ فعالیت لری اوچون زمینه یره تماقده.  برچه قیین چیلیک لر گه قره مسدن, ترکیه سیاسی, آیدیولوژیک و حربی جهت دن داعش گه قرشی اوز کوره شینی دوام ایتتیرماقده. 

اینگ سونگ, ترکیه, جولای آیی نینگ 15 نچی کونیده اینگ وحشی بیر شکلده فتح الله چی ترور تشکیلاتی موازی دولت ساختاری FETÖ/PDY تروریزمی گه دوچ کیلیب قالدی.  گولن نینگ کوچی جدی معنی ده بولینیب قالدی. بیراق ینه هم قیلینیشی کیره ک بولگن کوپلب ایش لر بار.  ترکیه ده کوچی نی قولدن بیریب قویگن اوشبو خائین لر ایندی چیت ایللرده گی منبع لری دن ترکیه گه قرشی استفاده ایتیش گه حرکت ایتماقده. 

ترکیه نینگ اوروپا, امریکا قوشمه ایالتلری, اورته شرق, افریقا, آسیا و دنیا نینگ برچه قسم لری ده گی دوست لری و متفق لری نینگ گولن ترور تشکیلاتی نینگ قاره یوزی نی کوریشی کیره ک. 

ترکیه نینگ همه میز گه قرشی بیر تهدید دن عبارت ترور تشکیلاتی داعش گه قرشی کوره ش نی حمایه له گن لیگی دیک, متفق لری نینگ هم ترور تشکیلات لری دن عبارت پی کا کا و فتو گه قرشی کوره ش نی حمایه ایتیش لری نی کوتیشی مشروع بیر حرکت دن عبارت. 

برچه شکللری گه قرشی انیق بیر شکلده کوره ش آلیب باریلمسدن تروریزم گه قرشی کوره ش بوییچه موفقیت قول گه کریتیش ممکن ایمس.  "مینینگ تروریستیم گه قرشی سینینگ تروریستینگ" شکلیده گی سوز لر فقط گینه تروریست لرنینگ فایده سی گه خلاص. 

امنیت همه میز اوچون حیاتی اهمیت گه ایگه و فقط گینه همه میز اوچون موجود بولگن تقدیرده حقیقی بیر امنیتدن عبارت بوله دی.