برسیلونانینگ تنیقلی فوتبالچیسی جاپان ده بیر فوتبال جماعه سی بیلن کیلیشیب آلدی
یولدوز فوتبالچی اندریس اینیستا، جاپان نینگ ویسل کوبه جماعه سی بیلن کیلیشیب آلدی.
978118
ریئال سوسیداد بیلن بولیب اوتگن مسابقه نینگ آرتیدن برسیلونا جماعه سی و تماشاچیلری بیلن وداعلشگن اندریس اینیستا، جاپان نینگ ویسل کوبه جماعه سی بیلن کیلیشیب آلدی.
22 ییل برسیلوناده فوتبال قیلگن اینیستا اجتماعی میدیا ترماغی تویتر آدرسی آرقه لی، ویسل کوبه جماعه سی نینگ باشلیغی بیلن آلگن تصویرینی نشر قیلدی.
34 یاشده گی یولدوز فوتبالچی، بو جایده یازگن پیامیده "اورتاغیم هیروشی میکیتانی بیلن ینگی اوی – جاییم گه باره من" دیب یازگن.
ویسل کوبه جماعه سی نینگ باشلیغی هیروشی میکیتانی، برسیلونا کییمی نینگ اسپانسری بولمیش شرکتده یوقاری مرتبه لی اداره چی بولیب ایشله ماقده.
ویسل کوبه اوتگن ییل گالاته سرایدن یولوز فوتبالچی لوکاس پودوسکینی هم آلگن ایدی.
