افغانستان ده فوتبال سوپر لیگی پایتخت کابل ده باشلب کیتدی
افغانستان ده فوتبال سوپر لیگی پایتخت کابل ده باشلب کیتدی.
سککیز تیم دن تشکیل تاپگن و بیر آی دوام ایته دیگن لیگ نینگ ایلک مسابقه سی, کابل ده گی افغانستان فوتبال فدراسیونی ستدیومی ده بولیب اوتدی.
شاهین آسمایی تیمی, ایلک مسابقه ده د اباسین سَپی تیمی نی ۵ گه بیر مغلوبیت گه اوچره تدی.
بیر پیت لر برچه سپورت تور لری نینگ ممنوع بولگن افغانستان ده عیال لر هم اوشبو مسابقه نی ستدیوم ده تماشا قیلدی.
تماشا چی لر فوتبال مسابقه لری نینگ آلدینگی درد لرنینگ ایسدن چیقاریلیشی اوچون یخشی بیر فرصت دن عبارت ایکن لیگی نی بلدردی.
ایلک مراتبه میلادی ۲۰۱۲ نچی ییلی ده بولیب اوتگن افغانستان فوتبال سوپر لیگی, هر بیری اولکه نینگ بیر منطقه سی دن نماینده لیک ایته دیگن سککیز تیم و ایککی گروپ دن تشکیل تاپماقده.
ایلک گروپ ده عقابان هندوکش, موج هوای آمو, شاهین آسمایی و د اباسین سَپی, ایککینچی گروپ ده ایسه سیمرغ البرز, طوفان هریرود, د میوند اتلان و د سپین غر بازان تیم لری اورین آلماقده.
بولیب اوتگن آلدینگی فوتبال سوپر لیگی ده طوفان هریرود قهرمان بولگن ایدی.
