پروده دانگ کسل لیگی طفیلی اونلب کیشی حیاتینی یوقاتدی

جنوبی امریکا اولکه سی پروده دانگ کسل لیگی طفیلی فبروری آییدن بیری 80 کیشی حیاتینی یوقاتدی، واقعه سانی 73 مینگ گه آشدی.

پرو ساغلیکنی سقلش وزیری روزا گوتیئرز دانگ کسللیگی گه قرشی کوره ش دایره سیده 10 میلیون دالر بودجه اجره تگن لیکلرینی بیلدیردی.

حکومت خوددی شو کسللیک طفیلی 226 ته تومنده گی فوق العاده وضعیت مدتینی ینه 4 آی اوزه یتیریلگن لیگینی معلوم قیلدی. اولکه ده دانگ کسل لیگی کوپه ییب باریشی طفیلی فبروری آییده 13 منطقه ده ساغلیکنی سقلشده عاجل وضعیت ایتیب اعلان قیلینگندی.

دانگ کسل لیگی ویروسی انسانلرگه پشه آرقه لی اوتماقده. عموماً تب بیلن باشله یدی حتی اولدیره دی.

واقعه لر عموماً "یاغینگرچیلیک پیتی" ایتیب اتلگن جون، سپتامبر، دسامبر و مارچ آیلریده اوج قیلماقده.