دموکراتیک کنگو جمهوریتیده سوو تاشقینی عاقبتیده یوزلب کیشی حیاتینی یوقاتدی

دموکراتیک کنگو جمهوریتی نینگ جنوبی کیوو ولایتیده سوو تاشقینی عاقبتیده حیاتینی یوقاتگنلر سانی 438 نفر گه ییتدی. 

حکومت سوزچیسی پاتریک مویایا بیرگن بیاناتیده, جنوبی کیوو ولایتیگه باغلیق بوشوشو و نیاموکوبی قیشلاقلریده اوتگن هفته ده سوو تاشقینی عاقبتیده لادرک یوقالگن ینه 26 کیشی نینگ جسدی نینگ تاپیلیشی بیلن اولگن کیشیلر سانی نینگ 438 نفر گه ییتگن لیگینی بیلدیردی. 

سیلده یوقالگن کیشی لر سانی حقیده حاضرچه انیق معلومات نینگ موجود ایمس لیگینی بیلدیرگن سوزچی, نادولت تشکیلاتلر نینگ ایتیشیچه 4 مینگ دن آرتیق کیشی نینگ حاضرگه چه تاپیله آلمه گن لیگینی معلوم قیلدی. 

اوتگن هفته ده یامغیرنینگ جوده کوپ یاغگن لیگی باعث چیبیرا دریاسی تاشیب کیتگن ایدی. 

دموکراتیک کنگو جمهوریتی یامغیرلرنینگ کوپ بوله دیگن موسم لرده تیز تیر طبیعی آفت لر گه دوچ کیلیب قالماقده.