تورکیه نینگ بلوط عسلی حقیده قیسقه معلومات

تورکیه نینگ بلغاریا چیگره سیده اورین آلگن قاره دینگیز قیرغاغیده گی قیرقلر ایلی ولایتی, اولکه نینگ بلوط اورمان لری نینگ اینگ کوپ بولگن منطقه لری دن بیری.  عسل چیلیک, منطقه ده اورمان ساحه سی یقینیده گی قیشلاق یشاوچی لری نینگ اینگ مهم فعالیت لری دن بیری نی تشکیل ایتماقده. قیرقلر ایلی بلوط بالی ( عسلی), ولایت ایکینچیلیک و اورمان باشقرمه سی نینگ طلبی گه بناً میلادی 2021- ییلده تورکیه نینگ ثبت قیلینگن جغرافی محصولاتی لیستی گه کیریتیلدی.  بلوط بالی ایشلب چیقاریش فعالیت لری جون آییده بال (عسل) اری قطی لری نینگ تیارله نیشی بیلن باشلب سپتامبر- اکتوبر آی لریده حاصل آلینگن بوله دی.  "قاره قطی" دیب ناملنگن طبیعی قطی لر دن فایده له نیلیب قولگه کیریتیله دیگن قیرقلر ایلی بلوط بالی, قویوق رنگلی, آسان کریستاللنمه یدیگن, سویوق, نملیگی گل بالی دن آز, تاماق نی کویدیرمه یدیگن و یوقاری آنتی اوکسیدان قوت گه ایگه بیر بال توری دن عبارت.  ایچیده بلوط درختی و باشقه کوپلب گل و اوسیملیک لرنینگ شیره سی موجود بولگن قیرقلر ایلی بلوط بالی, قیزیل گه اوخشش رنگی بیلن قولای بیر شکلده تنیلماقده.  عینی دمده, آز مقدارده گُلچَنگی بولگن لیگی اوچون قولای کریستاللنمه یدیگن اوشبو بال نی هیچ قنده ی بیر شکلده ایسیتیش ممکن ایمس.