تخمی سرطان کسللیگی گه دوا تاووق لر

عالم لر, سرطان کسللیگی نی دوالش اوچون فایده له نیله دیگن تخم قویه دیگن و ژنیتیک ساختاری اوزگرتریلگن تاووق لر ایتیشتیردی.

اسکاتلند نینگ ادینبورگ شهریده گی روسلین تکنالوژی انستیتوتی دن دوکتور لیزا هیرون و تیمی, انسان لر ده پروتین تولید قیله دیگن بیر ژن نی, تاووق ژنومیده تخم نینگ آقی نینگ تولید بولیشی گه سبب بوله دیگن دی ان ای (DNA) گه اولَش گه موفق بولدی. 

تخم نینگ آقی نینگ کوپ مقدارده پروتین گه ایگه ایکن لیگی نی بیلدیرگن محقق لر, اینیقسه انسان وجودی مدافعه سیستمی اوچون کیره کلی بولگن ایککی پروتین باره سیده باش قاتیره باشله دی. 

اوشبو پروتین لردن بیری ویروس مقاومتی و سرطان کسل لیگی گه قرشی کوره ش بوییچه مهم بولگن "IFNalpha2a", ایککینچی سی ایسه, خساره مند بولگن توقیمه لرنینگ اوز لری نی ینگی لَشی اوچون زمینه یره تیب بیره دیگن "macrophage-CSF"  دن عبارت. 

محقق لر اوشبو تاووق لر تامانیدن قویلگن تخم لرنینگ سرطان کسللیگی نینگ تداوی سیده استفاده قیلینیشی اوچون قانونی تشبث لرنینگ قیلینیشی کیره ک ایکن لیگی نی بیلدیردی. 

عینی دمده محقق لر, خوددی شوو تشبث لرنینگ 10-20 ییل مابینیده نتیجه بیریشی نینگ ممکن ایکن لیگی نی معلوم قیلدی. 

اوشبو علمی تحقیقات نینگ نتیجه سی ایسه بی ام سی بایوتکنالوژی "BMC Biotechnology" مجله سیده باسیلیب چیقدی.