پاکستانده قوراللی هجوم اویوشتیریلدی

پاکستان نینگ خیبرپختونخوا ایالتیده سیلاو ده گی موفقیتی نی قیزغین کوتیب آلیش اوچون موتر لر گه مینیشیب یولگه چیققن کیشی لر گه قره ته اویوشتیریلگن قوراللی هجومده 3 کیشی حیاتینی یوقاتدی و 5 نفر ایسه یره لندی. 

داون روزنامه سی نینگ بیرگن خبریگه کوره, خیبر پختونخوا ایالتی نینگ دیره اسماعیل خان منطقه سیده پاکستان خلق حزبی نینگ وکیلی احمد کریم کوندی نینگ سیلاوده گی موفقیتی سببلی تشکیل ایتیلگن موتر قطاری گه قره ته کیم ایکن لیکلری انیقلنمه گن کیشی لر تامانیدن قوراللی هجوم اویوشتیریلدی. 

اوشبو حادثه عاقبتیده 3 کیشی حیاتینی یوقاترایکن, 5 نفر ایسه یره لندی. 

پاکستان خلق حزبی تامانیدن بیریلگن بیاناتده, هجوم قتتیق قاره له نرایکن, حادثه مظنون لری نینگ زودلیک بیلن اوشله نیشی طلب قیلیندی. 

اوشبو حادثه نینگ مسئولیتی نی هیچ بیر تامان از بوینی گه آلمه دی. 

پاکستان سیلاو کمیسیونی, 8- فبروریده بولیب اوتگن ملی مجلس و ایالت مجلس لری سیلاو نتیجه لرینی 11- فبروریده اعلان قیلگن ایدی. 

ملی مجلس سیلاو لریده, سابق باش وزیر عمران نینگ حزبی پاکستان عدالت حرکتی تامانیدن حمایت قیلینگن مستقل کاندیدلر بیرینچی, بورونغی باش وزیر نواز شریف باشچی لیگیده گی مسلم لیگ نواز حزبی ایکّینچی و پاکستان خلق حزبی اوچینچی اوریننی ایگلله گن ایدی.