ایرانده قوراللی هجوم اویوشتیریلدی

ایران نینگ سیستان و بلوچستان ولایتیده, قوراللی کیشی لر تامانیدن بیر پوسته گه قره ته اویوشتیریلگن هجومده بیر پولیس حیاتینی یوقاتدی. 

ایران دولت تلویزیونی نینگ خبری گه کوره, سیستان و بلوچستان ولایتی گه باغلیق رسک شهریده, توناون کیچه قوراللی بیر گروپ, چیگره یقینی ده گی بیر پوسته گه قره ته هجوم اویوشتیردی. 

خوفسیزلیک کوچلری نینگ جواب قیتریشی بیلن باشله گن توقنه شووده, 1 پولیس حیاتینی یوقاتدی. 

تقریباً 3 ساعت دوام ایتگن توقنه شوو آرتیدن هجومچی لر قاچرایکن, منطقه ده کینگ کولملی عملیات باشله تیلدی. 

اوشبو هجوم نینگ مسئولیتی نی سیستان و بلوچستان ولایتیده فعالیت کورسه تیاتگن "منطقه ده گی سنی بلوچ خلقی نینگ حقی نی مدافعه ایتیاتگن لیگینی" ادعا قیلیاتگن و ایرانده ترور تشکیلاتی دیب قبول قیلینگن "جیش العدل" آتی گه ایگه بیر تشکیلات اوز بوینی گه آلدی.