ایران ده یوزبیرگن پارتلش نینگ مسؤلیتینی ترور تشکیلاتی داعش اوز بوینی گه آلدی

ایران نینگ کرمان شهریده آلدینگی کونی اویوشتیریلگن ترورچیلیک هجومی نینگ مسؤلیتینی ترور تشکیلاتی داعش اوز بوینی گه آلدی.

ترور تشکیلاتی بیلن علاقه لی تلگرام آدرسلری آرقه لی بیریلگن بیاناتده، ایران ده اویوشتیریلگن ترورچیلیک هجومی نینگ «خودکش هجومی» دن عبارت ایکن لیگی بیلدیریلدی.

بیاناتده، "کرمان ده قاسم سلیمانی نینگ قبری نینگ یقینیده ایککی خودکش هجومچی تامانیدن اویوشتیریلگن ترورچیلیک هجوملریده اولگن و یره لنگنلرنینگ 300 دن آرتیق کیشی ایکن لیگی" افاده ایتیلدی.

ایران ییتکیرمه سی تامانیدن آتینی توتمه ی بیر منبع گه تیانتیریب بیریلگن خبرده ایسه آلیب باریلگن تیرگاوده ایلک پارتلش نینگ خودکش هجومچی تامانیدن عملگه آشیریلگن لیگی اوشبو هجومچی نینگ ایرکک کیشی ایکن لیگی و کیم لیگی نینگ انیقلشتیریش اوچون فعالیت باشله تیلگن لیگی قید ایتیلدی. منبع، ایککینچی پارتلش نینگ هم خودکش هجومیدن عبارت ایکن لیگی اوستیده باش قاتیریلگن لیگی معلوم قیلیندی.

امریکا قوشمه ایالتلری نینگ 2020 ییلی 3 جنوریده عراق نینگ پایتختی بغدادده اویوشتیرگن سوئ قصد هجومی نتیجه سیده حیاتینی یوقاتگن ایران انقلاب محافظلری اردوسیگه باغلیق قدس کوچی سابق قومندانی قاسم سلیمانی اولیمی نینگ 4- ییل لیگیده کرمان شهریده قبری نینگ یقینیده ایککی ته پارتلش یوزبیرگندی.  

خوددی شو هجوم عاقبتیده 84 کیشی حیاتینی یوقاتر ایکن 284 کیشی ایسه یره لنگندی.