ایرانده اویوشتیریلگن هجوم عاقبتیده کوپلب پولیس حیاتینی یوقاتدی

ایران نینگ سیستان و بلوچستان ولایتی نینگ راسک شهریده گی بیر پولیس مرکزی گه قره ته اویوشتیریلگن قوراللی هجومده 11 نفر پولیس حیاتینی یوقاتدی

ایران رسمی خبر آژانسی ایرنا نینگ خبری گه کوره, سیستان و بلوچستان ولایتی کیچه اویوشتیریلگن اوشبو هجوم بیلن علاقه لی بیانات بیردی. 

بیاناتده, "راسکده پولیس مرکزی گه قره ته اویوشتیریلگن ترورچیلیک هجومی عاقبتیده 11 کیشی شهید بولدی" دییه قید ایتیلدی. 

عینی دمده یوز بیرگن توقنه شووده کوپلب هجومچی نینگ اولدیریلگن لیگی بیلدیریلدی. 

محلی مطبوعات آرقه لی ترقه تیلگن خبرلرده, اوشبو هجوم نینگ مسئولیتی نی ایران نینگ جنوبشرقیده جایلشگن سیستان و بلوچستان ولایتیده موجود بولگن, "منطقه ده گی سنی بلوچ لرنینگ حقی نی مدافعه قیلیاتگن لیگینی" ادعا ایتیاتگن و مذکور اولکه ده ترور تشکیلاتی اوله راق قبول قیلینگن "جیش العدل" ناملی تشکیلات نینگ اوز بوینی گه آلگن لیگی ادعا قیلیندی.