خامنه ای حماس نینگ سیاسی ییتکچیسی هنیه بیلن اوچره شوو اوتکزدی

ایران نینگ دینی رهبری علی خامنه ای اسرائیل نینگ آغیر هجوملری گه قرشی اسلام اولکه لری و خلق ارا همجمعیت نینگ غزه نی کوچلیراق قوللب قوتلشی کیره ک لیگینی بیلدیردی.

ایران نینگ خبر آژانسی ایرنا خبر بیریشیچه خامنه ای پایتخت تهران ده حماس نینگ سیاسی دفتر باشلیغی اسماعیل هنیه بیلن اوچره شوو اوتکزگن.

اوچره شووده خامنه ای اسرائیل نینگ هجوملری و غزه ده گی وضعیت حقیده هنیه دن معلومات آلرکن اسلام اولکه لری و خلق ارا همجمعیت نینگ غزه نی کوچلیراق قوللب قوتلشی کیره ک لیگینی افاده ایتگن.

محاصره آستیده گی غزه خلقی نینگ اسرائیل نینگ هجوملریگه قرشی مقاومتینی مقته گن خامنه ای اینیقسه اسلام اولکه لری نینگ غزه لیکلرنی تورلی جهتدن قوللب قوتلشی کره ک لیگینی اورغوله گن.

شونده ی بولیب ایران تشقی ایشلر وزیری حسین امیر عبدالله یان غزه ده مینگلب باله نینگ اولدیریلگن لیگینی بونینگ غیر انسانی ایکن لیگینی ایتدی.

عبدالله یان ایتالیانینگ دولت تلویزیون کانالی RAI 1 گه بیرگن خصوصی بیاناتده "اسرائیل غزه ده گی تینچ اهالی گه هجوملرگه دوام ایتگن تقدیرده اوروش کیسکین اوله راق ییره ب کیته دی. لبنان و یمن ده فعالیتلرینی کوچه یتیرووچی ایریم مقاومتچی کوچلر فعالیت آلیب بارماقده." دیدی.  

عبدالله یان حماس نی "فلسطین خلقی گه قره ته ظلم گه قرشی مشروع بیر مقاومت کوچی ایتیب " تن آلگن لیکلرینی بیلدیردی.

باله لرنینگ اولدیریلیشینی تایید ایتمه گن لیکلرینی معلوم قیلگن عبدالله یان "غزه ده فلسطینلیک مینگلب باله اولدی، بو غیر انسانی." دیب ایتدی.

ایران تشقی ایشلر وزیری ایتالیانینگ تیزده آتشکیسین ایتیب اعلان ایتیلیشی اوچون امریکا قوشمه ایالتلری گه باسیم قیلیشی کیره ک لیگینی تاکییدله دی.

حماس نینگ حربی ترماغی قسام کوچلری 7 اکتوبرده اسرائیل گه قره ته «اقصی طوفانی» آتیده کینگ بیر هجوم باشلتگن لیگینی بیلدیرگندی. غزه دن اسرائیل تامان مینگلب راکت آتیلر ایکن قوراللی جنگریلر هم منطقه ده گی توررجایلرگه کیریب بارگندی.

اسرائیل اردوسی هم حربی اوچاقلر آرقه لی غزه نواریگه قره ته تیمیر قیلیچلر عملیاتینی باشلتگن لیگینی معلوم قیلگندی.

یوزبیرگن خوددی شو بحرانده ایککی تاماندن مینگلب تلفات بار.