تورکیه - ایران جمهور باشلیغلری اوزارا سوزلشوو اوتکزدی

تورکیه جمهور باشلیغی رجب طیب ایردوغان بیلن ایران جمهور باشلیغی ابراهیم رئیسی تیلفون آرقه لی سوزلشوو اوتکزدی.

تورکیه جمهوریتی جمهور رئیسلیک علاقه باشقرووی نینگ اجتماعی ترماقده گی آدرسی آرقه لی بیریلگن بیاناتده خوددی شو سوزلشووده اسرائیل – فلسطین اورته سیده گی توقنه شوولی جریان، منطقه ده تاباره کوپه ییب بارگن بحران و ییچیم اوچون آتیلیشی کیره ک بولگن آدیملرنینگ تیلگه آلینگن لیگی بیلدیریلدی.

تورکیه جمهور باشلیغی ایردوغان نینگ اوشبو سوزلشووده توقنه شوولرنینگ تیزده اداغگه ییتیب باریشی نینگ منطقه و دنیا تینچلیگی جهتیدن اهمیت گه سزوار ایکن لیگینی، غزه گه انسانی یاردملرنینگ ییتکیزیب بیریلیشی اوچون تورکیه نینگ کوچلی اورونیب تورگن لیگینی، بحران نی کوپه یتیرووچی آدرملردن اوزاق توریش و اسرائیل بیلن فلسطین مسئله سیده اوزارا آتیله دیگن آدیملرنینگ دایمی ییچیم گه تاثیر قالدیره جگینی تیلگه آلگن لیگی قید ایتیلدی.

حماس نینگ حربی ترماغی قسام کوچلری شنبه کونی اسرائیل گه قره ته «اقصی طوفانی» آتیده کینگ بیر هجوم باشلتگن لیگینی بیلدیرگندی. غزه دن اسرائیل تامان مینگلب راکت آتیلر ایکن قوراللی جنگریلر هم منطقه ده گی توررجایلرگه کیریب بارگندی.

اسرائیل اردوسی هم حربی اوچاقلر آرقه لی غزه نواریگه قره ته تیمیر قیلیچلر عملیاتینی باشلتگن لیگینی معلوم قیلگندی.

یوزبیرگن خوددی شو بحرانده ایککی تاماندن مینگلب تلفات بار.