تاشکینت ده ساغلیک سکتوری کورگزمه سی بولیب اوتدی

تورکیه دن کسلخانه و ساغلیک تورزیم شرکتلری نینگ قتنشیشی بیلن اوزبیکستان نینگ پیاتختی تاشکینت ده اوزبیک – تورک ساغلیک خذمتلری و ساغلیک توریزمی کورگزمه سی (Health Uzbekistan-2023) باشله دی.

اوزبیکستان نینگ پایتختی تاشکینت ده بو ییل ایککینچی مرته اوتکزیلگن و تورکیه دن 20 دن آرتیق کسلخانه بیلن ساغلیک توریزم شرکتی اورین آلگن کورگزمه نینگ آچیلیشی گه تورکیه نینگ تاشکینت بویوک ایلچیسی اولگان بیکار، اوزبیکستان ساغلیک نی سقلش بوییچه باشلیغی جلال الدین اسام الدینوف بیلن بیر قطارده کوپلب مهمان قتنشدی.

اسام الدینوف بو جایده قیلگن صحبتیده اولکه ده ساغلیک نی سقلش توزومینی رواجلنتیریش شونده ی بولیب چیت ایل اولکه لری نینگ ساغلیک نی سقلش توزوملری و تجربه لریدن فایده لنیش مقصدی بیلن ایریم تجاری و ساغلیک سکتوری پروگراملری اویوشتیریلگن لیگینی، ساغلیک سکتوریده سرمایه کیریته دیگن بای آدملر اوچون کیره کلی شرطلرنی یراته جکلرینی تیلگه آلدی.

تورکیه بویوک ایلچیسی بیکار هم تورکیه نینگ ساغلیک سکتوری ساحه سیگه قیلگن سرمایه کیریتیشلری، خلق ارا مقیاسده یوتوق کیریتگن دوکتورلری و طب ساحه سیده گی ینگیلیکلرگه تیزده ماسلنگن لیگی طفیلی دنیا مقیاسیده ترجیح ایتیلگن اولکه لر قطاریگه کیرگن لیگینی افاده ایتدی.

بیکار تورکیه نینگ ساغلیک سکتوریده گی سرمایه کیریتیشلریگه اوزبیکستان نینگ احتیاجی بارلیگینی، بو کبی پروگراملرنینگ تورک سرمایه کیریتووچیلرنینگ اوزبیکستان ساغلیک سکتوریگه سرمایه کیریتیشی جهتیدن اهمیت گه سزاوار ایکن لیگینی ایتدی.

اوزبیکستان خلقی انچه قیزیقیش کورستگن کورگزمه ایرته گه اداغگه ییته دی.