آیت الله علی خامنه ای نینگ امریکا بیلن مذاکره گه اجازت بیرگن لیگی ادعا ایتیلدی

ایران, دینی رهبر آیت الله علی خامنه ای نینگ تشقی ایشلر وزیرلیگی گه, امریکا قوشمه ایالتلری بیلن بیواسطه مذاکره گه اجازت بیرگن لیگی توغریسیده گی ادعا نینگ یلغان ایکن لیگی نی بیلدیردی. 

ایران تشقی ایشلر وزیرلیگی, خلق ارا بیر خبر انترنت سایتیده اورین آلگن ادعا بیلن علاقه لی یازمه بیانات بیردی. 

بیاناتده, "عموماً سیاسی شرایط تامین ایتیش اوچون مطرح ایتیلگن اوشبو اساسسیز خبر لرنینگ و میدیا اوین لری نینگ اعتباری یوق" دییه قید ایتیلدی. 

انگلستانده نشرات آلیب باره دیگن " Amwaj.media" ناملی خبر سایتی, اسمی نی بیلدیرمه گن ایران لیک یوقاری مرتبه لی منبع لر گه تینتیریب بیرگن خبریده, علی خامنه ای نینگ هسته ای مذاکره چی لر گه امریکا قوشمه ایالتلری بیلن بیواسطه اوچره شوو گه اجازت بیرگن لیگینی ادعا ایتدی. 

خامنه ای, امریکا قوشمه ایالتلری نینگ تحریم لری دن کیین واشنگتن بیلن بیواسطه مذاکره لرنی ممنوع قیلگن ایدی.