هلمند دریاسی نینگ منبعی ایلک مرته ایرانلیک متخصصلر تامانیدن تیکشیریب چیقیلدی

افغانستان بیلن ایران اورته سیده «سوو حقی» تارتیشووی بیلن کون ترتیبیده بولگن هلمند دریاسی نینگ منبعی ایلک مرته ایرانلیک متخصصلر تامانیدن تیکشیریب چیقیلدی.

فارس خبر آژانسی خبر بیریشیچه ایران نینگ افغانستان بوییچه خاص نماینده سی حسن کاظمی قومی موضوع بوییچه بیانات بیردی.

قومی بیرگن بیاناتده؛

"ایرانلیک متخصصلر ده رود منطقه سیده (هلمند دریاسی نینگ منبعی جایلشگن جای) نی تیکشیریب چیقدی. بو بیرینچی مرته عملگه آشیریلدی." دیدی.

ایرانلیک صلاحیتلی متخصصلرنینگ حلی گچه افغانستان نینگ پایتختی کابل ده ایکن لیکلرینی و راپورلرینی تیارلب تورگن لیکلرینی قید ایتدی.

هلمند دریاسی افغانستان نینگ بامیان ولایتیده هندوکس تاغلری نینگ دوامی وبلمیش باب تاغلریدن کیلماقده. دریانینگ سووی 1100 کیلومتر آققندن کیین ایران – افغانستان چیگره سیده گی هامون کولی گه باریب توکیله دی.

افغانستان بیلن ایران اورته سیده جایلشگن هلمند سووی معماسی 1973 ییلی بولیب اوتگن کیلیشوو بیلن ییچیلگندی.

خوددی شو کیلیشووگه کوره افغانستان اوشبو سوو یولی آرقه لی ایران گه ثانیه ده 26 متر مکعب سوو بیریش نی تعهد ایتگن. بوندن 22 متر مکعب سوو ایران نینگ حقی  متر مکعب افغانستان نینگ یخشی نیت یاردمی ایتیب اتلگن.

شونده ی بولیب قورغاقلیک پیتلریده ایران گه بیریله دیگن سوونینگ 26 متر مکعیب نینگ آستیده بولیشی هم تذکر بیریلگن.

سونگگی ییللرده افغانستانده یوزبیرگن قورغاقلیک طفیلی ایران گه آققن سوو مقداری نینگ کمه یشی ایران باشقرووینی راحتسیز قیلیش گه باشله دی.

جدی قورغاقلیک یوز بیرگن ایککی اولکه 1973 ییلیده گی کیلیشووگه باش ایگگن لیکلرینی افاده ایتگن حالده سوو معماسی طفیلی اورته لریده قیینچیلیکلر یوزبیرماقده.

طالبان اوتیش دوری باشقرووی اولکه ده گی قورغاقلیک طفیلی هلمند دریاسی اوستیده گی کجکی بندیده سوو یوقلیگینی شونده ی بولیب ایران تامانی گه سوو ییتیب بارمه گن لیگینی معلوم قیلرکن،  ایران ایسه متخصص بیر هیئات نینگ مذکور بندنی کوریب بونی تایید ایتیشی کیره ک لیگینی بیلدیرماقده ایدی. طالبان ایسه بو طلب گه اولیملی قره مس ایدی.

ایران جمهور باشلیغی ابراهیم رئیسی 18 می تاریخیده سیستان – بلوچستان ایالتی گه سفر اویوشتیریب موضوع بوییچه بیانات بیرگندی.

بیاناتده "متخصصلریمیز سوو کمچیلیگینی تایید ایتگن تقدیرده ایتیله دیگن بیر گپیمیز یوق. عکسی تقدیرده خلقیمیزنینگ حقلرینی ایاق آستی گه آلینیشی گه رخصت بیرمه یمیز. افغانستانلیک ییتکچیلرنی ایران نینگ سوو حقینی تیزده بیریشلری توغریسیده آگاهلنتیره من." دیگندی.