ایران طالبان گه عکس العمل کورسه تدی

ایران اطراف- محیط اداره سی باشلیغی علی سلاجقه, افغانستانده گی طالبان رهبریتی نینگ ایران گه ییلده 850 میلیون لیتر سوو یوباریشی کیره ک ایکن لیگینی معلوم قیلرایکن, حاضرگی کونگه قدر جوده آز مقدارده سوو گه اجازت بیرگن لیگینی بیلدیردی. 

ایسنا خبر آژانسی نینگ بیرگن خبری گه کوره, کابینه ییغیلیشی آرتیدن بیانات بیرگن سلاجقه, اولکه سی نینگ سوو حقی نی بیرمه گن لیگی سببلی افغانستانده گی طالبان رهبریتی نی تنقید قیلدی.

سلاجقه, "افغانستان نی باشقریاتگن لر هریرود سوو کیلیشووی نی قبول قیلیشیدن بحث ایتیاتگن لیکلری گه قره مسدن عملده 850 میلیون لیتر سوو اورنیگه فقط گینه 15 میلیون لیتر سوو یوباریلدی" دییه قید ایتدی.

موضوع بیلن علاقه لی ییغیلیش چقیریق لری گه جواب قیتریلمه گن لیگینی بیلدیرگن سلاجقه, افغانستانده گی بند لرنینگ یخشی سویه ده توله ایکن لیگینی ادعا قیلدی. 

سلاجقه, طالبان رهبریتی دن ایران نینگ سوو حقی نی کمال خان بندی و هریرود دریاسی دن یوباریشی نی کوتیاتگن لیکلرینی بیلدیردی.