پاکستان باش وزیری شهباز شریف تورکیه جمهور باشلیغی ایردوغان نی تبریکله دی

پاکستان باش وزیری شهباز شریف ایلک اوچیشی یوتوقلی بولیب اوتگن تورکیه نینگ ایلک هیداوچیلی سوپرسونیک جیت اوچاغی حرجیت اوچون تورکیه جمهور باشلیغی رجب طیب ایردوغان نی قوتله دی.

شریف تیوتر آرقه لی قویگن پیامیده "خفیف حرب اوچاغی حرجیت نینگ ایلک اوچیشی یوتوقلی بولیب اوتیشی طفیلی قرداشیم جمهور باشلیغی رجب طیب ایردوغان نی تبریکله یمن" دیب ایتدی.

"وطنی و ملی ایلک هیداوچیلی سوپرسونیک جیت اوچاغیمیز حرجیت ایلک اوچیشینی یوتوقلی بیر شکلده اجرا ایتدی. شکرلر بولسین تورکیه عصریگه ارمغان بولسین" دیب افاده ایتگندی.

ایردوغان تورکیه هواچیلیک و فضا صنایعی شرکتی (توساش) تامانیدن وطنی و ملی امکانیتلر بیلن ایشلب چیقریلگن تورکیه نینگ ایلک جیت ماشینلی تعلیم و خفیف تعروض اوچاغی حرجیت نینگ هنگردن چیقیب ایلک اوچیشینی اجرا ایتگن تصویرینی هم نشر قیلگندی.