اسرائیل: ایران یونانده یهودی لر گه قرشی هجوم پلانله دی

ایران, یونان پایتختی آتن ده کوپینچه یهودی لرنینگ باریاتگن بیر رستورانت و کنیسه گه قرشی هجوم پلانی بیلن ارتباطی بولگن لیگی بوییچه ادعالرنی رد ایتدی. 

ایران نینگ آتن سفارتی تامانیدن تویتر آرقه لی بیریلگن بیاناتده, "ایران, صهیونیست منبع لر نینگ ترقتگن میش میش لر و ایران گه قرشی اساسسیز عیبلاو لرنی قتیق رد ایتماقده" دییه قید ایتیلدی. 

"مطرح قیلگن بو سناریو لر بیلن, ایچکی بحران دن خلق نینگ دقتی نی اوزاقلشتیریش نی هدف قیلیب آلماقده لر" دییه قید ایتیلگن بیاناتده, اسرائیلده گی حکومت گه قرشی کینگ کولملی مظاهره لر گه اورین اجره تیلدی. 

یونان تبعه لرنی حمایه قیلیش وزیری تاکیس تیودوریکاکوس, 28- مارچ کونی بیرگن بیاناتیده, ملی استخبارات اداره سی و یونان تروریزم گه قرشی کوره ش بولیمی نینگ سعی و حرکت لری نتیجه سیده هجوم اویوشتیریش اوچون تیارگرلیک اوتکزیاتگن لیگی اویلنگن ایران اصللی ایکّی نفر پاکستانلیک نینگ قولگه آلینگن لیگینی بیلدیرگن ایدی. 

اسرائیل ایسه اوشبو هجوم نینگ ایران تامانیدن پلانلنگن لیگی و موساد نینگ همکارلیگی بیلن خنثی قیلینگن لیگی نی ادعا ایتگن ایدی.