سعودی عربستان - ایران اورته سیده گی کیلیشوو برچه معماگه ییچیم بولمه یدی

سعودی عربستان تشقی ایشلر وزیری فیصل بن فرحان ایران بیلن دیپلوماتیک مناسبتلرنی قیته دن باشله تیش اوچون آلیب باریله دیگن کیلیشوونینگ «برچه معمالرنینگ ییچیمی معناسیگه کیلمه گن لیگینی» بیلدیردی.

سعودی عربستان قولب – قوتلاوچی شرق الاوسط گزیته سیگه بیانات بیرگن بن فرحان "ایران بیلن بولیب اوتگن کیلیشوو معمالرنی دیالوگ و دیپلوماسی یولی آرقه لی ییچیم تاپیش بوییچه مشترک آرزونینگ کورستگیچی دیر" دیب ایتدی.

بن فرحان "ایککی آی ایچیده ایران بیلن مناسبتلرنی باشله تیش گه تیارگرلیک کورگن لیکلرینی" معلوم قیلیب گیلگوسیده اوزارا سفرلرنینگ یوز بیریشی ممکن ایکن لیگینی تیلگه آلدی.

سعودی عربستان بیلن ایران اورته سیده بولیب اوتگن کیلیشووده چین نینگ رولی گه هم تماس قیلگن بن فرحان؛

"منطقه ده خوفسیزلیک و برقرارلیک فضاسی نینگ ایجاد ایتیلیشی توغریسیده پکین و تهران بیلن مشترک منفعتلریمیز بار" دیب ایتدی.

ایران بیلن سعودی عربستان 7 ییل کیین دیپلوماتیک علاقه نینگ قیته دن باشله شی اوچون کیلیشیب آلگندی.

ایککی اولکه اورته سیده بولیب اوتگن کیلیشوو 10 مارچده سعودی عربستان، ایران و چین تامانیدن بیریلگن مشترک بیانات بیلن اعلان قیلینگندی.

سعودی عربستانده 2016 ییلی 2 جنوری تاریخیده ایچلریده شیعه دین عالمی هم بولمیش 47 کیشی "ترورچیلیک" عیبلاوی بیلن اعدام ایتیلگندی.

بو اعدام نی قاره له گن ایرانلیک ییتکچیلر بیرگن کیتمه کیت بیاناتلرنینگ آرتیدن سعودی عربستان نینگ تهران بویوک ایلچی لیگی بیلن مشهدده گی قونسل لیگی ایرانده گی مظاهره چیلر تامانیدن اوتگه بیریلگندی. 2015 ییلی مارچ آییده باشله گن یمن ده گی بحران طفیلی بحرانی بولگن ایککی اولکه اورته سیده گی دیپلوماتیک مناسبت بوتونله ی کیسیلیب قالگندی.