آذربایجان تهران بویوک ایلچیلیگی نینگ فعالیتلرینی توخته تیب قویدی
آذربایجان نینگ تهرانده گی بویوک ایلچیلیگی گه 27 جنوری تاریخیده قوراللی هجوم اویوشتیریلگندی
آذربایجان تهرانده گی بویوک ایلچیلیگی نینگ فعالیتلرینی توخته تیب قویدی و بویوک ایلچیلیک پرسونللرینی تخلیه قیلدی.
تهراندن اوچاق آرقه لی قیتیب بارگن بویوک ایلچیلیک پرسونلی و عایله لرینی باکوده آذربایجان تشقی ایشلر وزیری اورینباسری خلف خلفوف و وزیرلیک نینگ ایریم ییتکچیلری کوتیب آلگن.
بویوک ایلچیلیک بناسیده جمعه کونی اویوشتیریلگن هجوم عاقبتیده شهید بولگن خوفسیزلیک بوییچه ییتکچی اورخان عسکروف نینگ جنازه سی هم خوددی شو اوچاق آرقه لی باکوگه آلیب باریلگن.
تشقی ایشلر وزیری اورینباسری خلف خلفوف تهران بویوک ایلچی لیگی گه یوزبیرگن هجوم نینگ تروچیلیکدن عبارت ایکن لیگینی ایتگن.
خلفوف
"بو (هجوم) قبول ایتیلمه یدیگن بیر نرسه دیر. دیپلوماتیک مناسبتلر توغریسیده وین کیلیشوویگه کوره هر دولت اولکه ده گی بویوک ایلچیلیکلرنینگ امنیتیدن مسؤل دیر. البته کی قول اوریلگن ترورچیلیک هجومیدن ایران مسؤل.
ایران مسؤلیتی گه بناً یوزبیرگن ترورچیلیک بیلن تیگیشلی کینگ – کولملی شفاف بیر شکلده تیرگاو آلیب باریشی کیره ک. مجرملرنی و اولرنینگ آرقه سیده بولگن کوچلرنی انیقلب اولرنی جزالنتیریشی کیره ک دیر. بو بیزنینگ ایراندن انیق طلبیمیزدیر" دیگن.
خلفوف حادثه نینگ آیدینللنتیریش اوچون تیگیشلی خلق ارا میکانیزملر بیلن علاقه قوریش نی ریجه له گن لیکلرینی معلوم قیلگن.
خلفوف "جمهور باشلیغیمیز قیین بیر قرار بولگن حالده تهران بویوک ایلچیلیگیمیزنینگ تخلیه قیلیش قرارینی قبول قیلیب آلدی. قیسی اولکه بولیشیدن قطعی نظر دیپلوماتیک فعالیت نی توخته تیش مسؤلیتی بولگن بیر قراردیر. بیراق بویوک ایلچیلیگیمیزنینگ امنیتینی تامین ایتیش جهتیدن ایران گه امیدیمیز و ایشانچیمیز یوقدیر" دیب ایتگن.
قوشنی اولکه ده شهید بیرگن لیکلری اوچون انچه قیغولنگن لیکلرینی تیلگه آلگن.
خلفوف "تهران بویوک ایلچیلیگی نینگ فعالیتی بوتونله ی توخته تیب قوییلدی. او جایده بنانی قوریقلش اوچون 5 کیشی بوله دی. بیراق بولر دیپلوماتیک فعالیت آلیب بارمه یدی. تبریز باش قونسلگرلیگیمیز اوز فعالیتی گه دوام ایته دی" دیب معلومات بیرگن.
آذربایجان تهرانده گی بویوک ایلچیلیگی گه 27 جنوری تاریخیده ایرته لب اویوشتیریلگن قوراللی هجوم عاقبتیده بویوک ایلچیلیک خوفسیزلیک ییتکچیسی نینگ حیاتینی یوقاتگن لیگی و ایککی نفر خوفسیزلیک پرسونلی نینگ یره لنگن لیگی بیلدیریلگندی.
ایرانلیک ییتکچیلر حادثه نینگ آرتیدن هجومچی نینگ قولگه آلینگن لیگینی معلوم قیلگندی.
آذربایجان تشقی ایشلر وزیرلیگی هم هجوم نی قاره لر ایکن و تهران بویوک ایلچی لیگی نینگ تخلیه قیلینیشیدن خبر بیرگندی.
آذربایجان جمهور باشلیغی الهام علی یف هم بیرگن بیاناتده بو هجومنی ترورچیلیک ایتیب اته گندی.
