اوروپا اتفاقی ایران گه قرشی ینگی تحریم لر گه قرار قیلدی

اوروپا اتفاقی, سپتامبر آییده ایران ده مهسا امینی نینگ نظارت آستیده اولیشی آرتیدن باشله گن ناراضی چیلیک نمایش لری گه مداخله ده گی رولی سببلی ایران لیک 18 کیشی بیلن 19 موسسه گه قرشی تحریم تطبیق ایتیش گه قرار قیلدی. 

اوروپا اتفاقی کینگشی تامانیدن بیریلگن بیاناتده اوشبو تحریم لرنینگ ایران ده گی انسان حق لری اخلال لری سببلی تطبیق ایتیله دیگن لیگی بیلدیریلدی. 

تحریم تطبیق ایتیله دیگن کیشی لر آره سیده ایران یاش لر و سپورت وزیری سید حمید سجادی, ایریم پارلمان وکیل لری, بیر نیچه ولایت نینگ والی سی, دولت نشرات اورگان لری پرسونلی بیلن ایران انقلاب محافظ لری اردوسی نینگ یوقاری مرتبه لی بعضی مسئول لری هم موجود. 

لیست ده ایران انقلاب محافظ لری اردوسی نینگ اولکه نینگ بعضی منطقه لریده گی بولیم لری بیلن ایران خاص پولیس کوچ لری و ایریم خوفسیزلیک شرکت لری هم اورین آلماقده. 

سونگّی تحریم لر بیلن بیرگه اوروپا اتفاقی نینگ چیکلاوچی تدبیر لر تطبیق ایتیاتگن ایران لیک کیشی لر سانی 164 نفر و موسسه لر سانی ایسه 31 گه کوتریلیب کیتدی. 

تحریم لر اوروپا اتفاقی گه سیاحت نینگ ممنوع قیلینیشی, سرمایه لرنینگ تونگنه تیلیشی و بو کیشی و موسسه لر گه مادی امکانیت تامین ایتیب بیریلیشی بوییچه ممنوعیت نی قمره ماقده. 

عینی دمده خلققه باسیم قیلیش اوچون استفاده ایتیلیشی ممکن بولگن بعضی مواد و کوزه تیش جهاز لری نینگ هم ایران گه ساتیلیشی ممنوع قیلینه دی.