ایرانده اونلب کیشی نظارتگه آلیندی
بولر آلمان و هالندده گی رژیم گه مخالف عنصرلر بیلن ایزداش ایکن لیگی بیلن عیبلنماقده
1915286
ایرانده آلمان و هالندده گی رژیم گه مخالف عنصرلر بیلن ایزداش بولیب خرابکار فعالیتی اویوشتیریش ریجه له گن لیگی بیلن عیبلنگن 12 کیشی نینگ مرکزی ایالتده نظارتگه آلینگن لیگی بیلدیریلدی.
ایران یریم رسمی خبر آژانسی تسنیم تامانیدن انقلاب محافظلری اردوسی نینگ بیاناتی گه تیانتیریب بیرگن خبرگه کوره، پایتخت تهران نینگ جنوب غربیده جایلشگن مرکزی ایالتیده خرابکار فعالیتی اویوشتیریش ریجه له گن لیگی بیلن عیبلنگن 12 کیشی لیک بیر گروپ نظارتگه آلینگن.
خبرده؛
"بو ترماق ایزداشلری، آلمان و هالندده حیات کیچیره یاتگن انقلاب رژیمی گه مخالف عنصرلرنینگ باشقروویده ملی خوفسیزلیک که قرشی فعالیتلر آلیب باریش اوچون قورال تداریک ایتیب اولکه ده خرابکارانه فعالیتلر آلیب باریشنی مقصد قیلیب آلگن دیر" دیب ایتیلدی.
