قطر امیری آل ثانی بیلن پاکستان باش وزیری شریف اوزارا اوچره شوو اوتکزدی

قطر امیری شیخ تمیم بن حمد آل ثانی، پاکستان باش وزیری شهباز شریف بیلن ایککی اولکه اورته سیده گی مناسبت نی کوچه یتیریش موضوعینی تیلگه آلدی.

قطر امیرلیک سراییدن بیریلگن یازمه بیاناتگه کوره، قطر امیری شیخ تمیم بن حمد آل ثانی، پاکستان باش وزیری شهباز شریف بیلن پایتخت دوحه ده گی مقامیده اوچره شوو اوتکزدی.

اوچره شووده ایککی اولکه اورته سیده گی مناسبت و بو مناسبتلرنی مدافعه، اقتصادی، سرمایه کیریتیش، تجارت، انرژی و سپورت ساحه لریده قوللب – قوتلش و رواجلنتیریش یوللری قاله ویرسه تروریزم گه قرشی کوره ش بیلن بیر قطارده منطقوی و خلق ارا ینگی لیکلر تیلگه آلیندی.

قطر امیری ایککی اولکه اورته سیده گی قرداشلیک و ستراتیژیک مناسبتلرنینگ اهمیتینی تاکییدلب قطر سرمایه کیریتیشی آرقه لی اوزارا تجارت نی کوپه یتیریش بیلن اقتصادی شریک لیک نی کوچه یتیریش نی آرزو قیلگن لیکلرینی تیلگه آلدی.

شونده ی بولیب قطر سرمایه کیریتیشی پاکستانده تورلی تجارت و سرمایه کیریتیش سکتورلریده 3 میلیارد دالر سرمایه کیریتماقچی ایکن لیگینی بیلدیردی.

پاکستان باش وزیری شریف هم اولکه سی نینگ مشترک هدفلرگه ییتیب باریش اوچون ایککی اولکه اورته سیده گی همکارلیک مناسبتلرینی کوچه یتیریش گه و بولرنی تورلی ساحه لرگه تشیش گه اهمیت بیرگن لیگینی ایتدی.

قطر باش وزیری شیخ خالد بن خلیفه بن عبدالعزیز آل ثانی هم کسبداشی شریف بیلن اوچره شیب ایککی اولکه اورته سیده گی اوزارا مناسبتلرنی و بولرنی تورلی مشترک همکارلیک ساحه لریده کوچه یتیریش و رواجلنتیریش یوللرینی تیکشیریب چیقیش نینگ قاله ویرسه اوزار مشترک اهمیت گه ایگه منفعتلرنی تیلگه آلدی.