بلینکن پاکستانلیک کسبداشی زرداری بیلن سوزله شدی
اوشبو صحبت تلفن آرقه لی بولیب اوتدی
امریکا قوشمه ایالت لری تشقی ایش لر وزیری آنتونی بلینکن, تلفن آرقه لی, پاکستانلیک کسبداشی بلاول بوتو زرداری بیلن سوزله شدی.
صحبتده, بلینکن نینگ, ایکله اولکه اورته سیده گی مناسبت لرنی رواجلنتیریش آرزوسی نی مطرح قیلگن لیگی بیلدیریلدی.
امریکا قوشمه ایالتلری تشقی ایش لر وزیرلیگی سوزچیسی ند پرایس, بلینکن نینگ تلفن آرقه لی زرداری بیلن سوزلشگن لیگی نی معلوم قیلدی.
پرایس, بلینکن نینگ, ایکله اولکه اورته سیده گی مناسبت لرنی رواجلنتیریش آرزوسی نی ینه بیر بار تکرارلب اوتگن لیگی نی بیلدیردی.
بلینکن نینگ امریکا قوشمه ایالتلری و پاکستان نینگ افغانستانده برقرارلیک نینگ اورنه تیلیشی و تروریزم گه قرشی کوره ش بوییچه وعده لری گه دقت قره تگن لیگی نی بیلدیرگن پرایس, "ایکله وزیر (بلینکن و زرداری) عینی دمده تجارت و سرمایه گذارلیک, اقلیم, انرژی, ساغلیق و تعلیم موضوع لری بوییچه دوام ایتیاتگن همکارلیک لر باره سیده هم بحث ایتدی. بو ییل امریکا قوشمه ایالتلری- پاکستان مناسبت لری نینگ 75 ییللیگی و همکارلیک نینگ رواجلنتیریلیشی نی انیق روشده کوتماقده میز" دییه قید ایتدی.
