انگلستان باش وزیری بوریس جانسون هندوستان گه تشریف بویوردی
جانسون هندوستانلیک کسبداشی مودی بیلن اوچره شدی
هندوستان گه تشریف بویورگن انگلستان باش وزیری بوریس جانسون, هندوستانلیک کسبداشی نارندرا مودی بیلن اوچره شدی.
اوچره شوو آرتیدن ایسه جانسون بیلن مودی اورتاق مطبوعاتی کنفرانس ترتیب له دی.
جانسون, اوکراین بیلن علاقه لی بیرگن بیاناتیده, روسیه جمهوررئیسی ولادیمیر پوتین نینگ دونباس منطقه سیده ظلم قیلگن لیگی نی معلوم قیلرایکن, اینیقسه ماریوپول ده گی وحشیانه حمله لر گه قره ب اوکراین گه ینه ده کوپراق توپ کبی آغیر قورال لر یوباره دیگن لیک لری نی بیلدیردی.
جانسون, کیلگوسی هفته ده اوکراین پایتختی کیف ده گی ایلچیلیک لری نی قیته آچه دیگن لیک لری نی معلوم قیلدی.
جانسون, "(پوتین) سیاسی جهتدن جوده قیین بیر وضعیتده. زیرا کتته بیر خطا قیلیب قویدی. حاضرگی کونده بیرته گینه یولی, اوکراین لیک لرگه ظلم قیلیش اوچون توپچی کوچ لری دن فایده له نیش گه دوام ایتتیریش دن عبارت. ماریوپول ده یقینده بیر کوپریک قوره دی. وضعیت نی بو باسقیچده تخمین قیلیش ممکن ایمس" دییه قید ایتدی.
اوشبو دایره ده اوکراین خلقی نینگ حربی جهت دن قوللب- قوتله نیشی کیره ک ایکن لیگی نی بیلدیرگن جانسون, مذاکره لر بیلن بیر خوفسیزلیک گرنتی سی نینگ تامین ایتیلیب کیله جکده باشقه بیر اشغال نینگ آلدینی نینگ آلینیشی نینگ هم ضروری ایکن لیگی نی معلوم قیلدی.
