پشاورده پارتلش عاقبتیده اونلب کیشی حیاتی نی یوقاتدی

پاکستان نینگ پشاور شهریده شیعه لر نینگ مسجدی ده یوز بیرگن پارتلش عاقبتیده حیاتی نی یوقاتگن لر سانی نینگ 45 نفرگه آشگن لیگی و 65 نفر نینگ ایسه یره لنگن لیگی بیلدیریلدی. 

پشاور امنیه قوماندانی محمد اعجاز خان, پشاورده گی بیر مسجدده جمعه نمازی جریانیده پارتلش یوز بیرگن لیگی نی معلوم قیلدی. 

حادثه عاقبتیده 45 کیشی نینگ اولگن لیگی و 65 نفر نینگ ایسه یره لنگن لیگی نی معلوم قیلگن خان, پولیس لر گه قره تیلگن هجوم لرده ایسه بیر هجومچی بیلن بیر پولیس نینگ حیاتی نی یوقاتگن لیگی و بیر پولیس نینگ یره لنگن لیگی نی ایسله تیب اوتدی. 

شاهد لر مسجدده 150 کیشی نینگ موجود ایکن لیگی نی معلوم قیلرایکن, اولگن کیشی لر سانی نینگ آرتیب کیتیشی بوییچه خواطر بیلدیردی.   

پاکستان باش وزیری اوشبو هجوم نی قاره لب چیقدی. 

اوشبو هجوم نینگ مسئولیتی نی هیچ بیر تامان اوز بوینی گه آلمس ایکن, ترور تشکیلاتی داعش بیلن پاکستان طالبانی نینگ منطقه ده بونده ی هجوم لرنی اویوشتیریاتگن لیگی بیلینماقده.