اوزبیکستان تولیق لاتین الفباسی گه اوته دی

اوزبیکستان, 2023- ییل 1 جنوری دن باشلب تولیق لاتین الفباسی گه اوته دی. 

اوزبیکستان حکومتی باسقیچ مه باسقیچ لاتین الفباسی گه اوتیش بوییچه پلان نی قمره گن قرار نی قبول قیلدی.

اوشبو قرار دایره سیده 2023- ییل 1 جنوری دن باشلب اوزبیکستان ده گی بوتون رسمی اداره لر ده مکتوب لر لاتین الفباسی بیلن یازیله دی. 

عینی دمده اوشبو تاریخ دن باشلب اوزبیکستان ده برچه مطبوعات اورگان لری و انترنت سایت لری هم لاتین الفباسی دن فایده له نه دی. 

بوندن تشقری اوشبو کون دن باشلب تذکره لر, چیت ایللیک لر نینگ حجت لری, کوچه و جاده و دولت لری نینگ آت لری بیلن لوحه و اعلان لر لاتین الفباسی بیلن یازیله دی. 

اوزبیکستان ده حاضرگی کونده دولت اداره لری ده مکتوب لر سریلیک الفباسی بیلن یازیلرایکن, مکتب لرده ایسه لاتین الفباسی بیلن یازیلگن کتاب لر دن درس بیریلماقده.