تورکیه, ایران لیک عالم محسن فخری زاده نینگ اولدیریلگن لیگی نی قاره له دی

تورکیه, ایران لیک عالم محسن فخری زاده نینگ اویوشتیریلگن قوراللی هجوم عاقبتیده اولدیریلگن لیگی نی قاره له دی.

اوشبو خصوصده تورکیه جمهوریتی تشقی ایش لر وزیرلیگی تامانیدن بیریلگن بیاناتده, "ایران لیک عالم محسن فخری زاده نینگ تهران ده اویوشتیریلگن قوراللی بیر هجوم عاقبتیده اولدیریلگن لیگی اوچون خفه بولدیک.  اوشبو منفور جنایت نی قاره لرایکن, ایران حکومتی و مرحوم نینگ عایله سی گه تسلیت بیلدیره میز" دییه قید ایتیلدی. 

بیاناتده تورکیه نینگ, منطقه ده تینچ لیککه ضرر بیریش بوییچه هر خیل تشبث و فاعلی یاکه هدفی کیم بولیشی گه قره می برچه تروریزم شکلی گه مخالف ایکن لیگی معلوم قیلیندی.

بیاناتده, "اوشبو دایره ده, حادثه نینگ عامل لری نینگ انیقله نیشی و محاکمه قیلینیشی نی آرزو قیلرایکن, برچه تامان لرنی معتدل و یخشی نیتلی حرکت قیلیش و منطقه ده وضعیت نی یمان لشتیره دیگن تشبث لر دن اوزاق توریش گه چقیره میز" دییه قید ایتیلدی.