تورکیه جمهوریتی ملی مدافعه وزیری خلوصی آقر اوزبیکستان گه تشریف بویوردی
آقر حربی مراسم بیلن کوتیب آلیندی
تورکیه جمهوریتی ملی مدافعه وزیری خلوصی آقر پاکستان و قزاقستان گه قیلگن سفری آرتیدن بوگون رسمی بیر سفر بیلن اوزبیکستان پایتختی تاشکنت گه تشریف بویوردی.
آقر, اوزبیکستان مدافعه وزیری بهادر قربانوف تامانیدن وزیرلیک ده حربی مراسم بیلن کوتیب آلیندی.
هیئت لر ارا اوچره شوو ده قیلگن صحبتی ده آقر, اوزبیکستان بیلن تورکیه اورته سیده گی تجاری, اقتصادی, اجتماعی, سیاسی و حربی مناسبت لر گه اهمیت بیریاتگن لیک لری نی بیلدیررایکن, اوشبو خصوصده جدی آلغه سیلجیش لرنینگ بولگن لیگی نی معلوم قیلدی.
قربانوف ایسه, تورکیه بیلن اوزبیکستان نینگ تیلی و دینی بیر ایککی قرداش اولکه ایکن لیگی نی معلوم قیلرایکن, ایککی دولت اورته سیده گی مناسبت لر دایره سیده حربی علاقه لر توغریسیده جدل روشده مثبت ینگیلیک لرنینگ یوز بیریاتگن لیگی نی بیلدیردی.
کیین ایسه آقر و قربانوف تامانیدن عسکری مالی همکارلیک کیلیشووی و نقدی یاردم پروتوکولی امضالندی.
آقر, قربانوف بیلن اوچره شیشی آرتیدن, اوزبیکستان خوفسیزلیک کینگشی نینگ عمومی سکرتری ویکتور محمودوف بیلن اوچره شدی.
آقر, اوشبو اوچره شووده, عسکری تعلیم و همده مدافعه صنایع سی ساحه لری بوییچه موجود مناسبت لرنینگ کوچه یتیریلیب دوام ایتیشی نینگ ضروری ایکن لیگی نی بیلدیردی.
