ایرته گه تاجکستان ده جمهوررئیسلیک سیلاوی بولیب اوته دی

ایرته گه تاجکستان ده بیش حزب نینگ کاندیدی نینگ رقابت ایته دیگن جمهوررئیسلیک سیلاوی بولیب اوته دی.

اوشبو سیلاو دایره سیده بیش میلیون گه یقین کیشی نینگ رای بیریشی کوتیلماقده. 

رای بیریش پروسه سی محلی وقت بیلن ایرته لب ساعت 6 دن باشلب کیچقرون ساعت 8 گه قدر دوام ایته دی. 

سیلاوده دهقان لر حزبی نینگ رهبری رستم لطیف زاده, سوسیالست حزبی نینگ رهبری عبدالحلیم غفار زاده, اقتصادی رفرم حزبی نینگ باشلیغی رستم رحمت زاده و کمونیست حزبی نینگ رهبری معراج عبدالله اف بیلن اقتدار ده گی خلق دموکرات حزبی نینگ کاندیدی جمهوررئیس امامعلی رحمان رقابت ایته دی. 

خوددی شوو سیلاو پروسه سی شانگهای همکارلیک تشکیلاتی, مستقل دولت لر جمعیتی, اوروپا خوفسیزلیک و همکارلیک تشکیلاتی دموکراتیک موسسه لر و انسان حق لری دفتری دن 150 گه یقین کوزه تووچی بیلن 200 دن آرتیق ژورنالست تامانیدن کوزه تیله دی. 

تاجکستان ده اینگ سونگ 2013- ییل 6 نوامبرده 6 کاندید نینگ اشتراکی بیلن جمهوررئیسلیک سیلاوی بولیب اوتگن ایدی. 

اوشبو سیلاو نتیجه سیده امامعلی رحمان رای لرنینگ 83,92 فایزی نی کسب ایتیب تورتینچی مرته جمهوررئیس ایتیب سیلنگن ایدی.