دونالد ترامپ نینگ تهدیدی گه ایراندن جواب قیتریلدی

ایران ملی خوفسیزلیک یوکسک کینگشی باش منشیسی علی شمخانی (شمع خانی)، امریکا قوشمه ایالتلری دولت باشلیغی دونالد ترامپ نینگ تهدیدی گه جواب بیردی.

شمخانی، "وطن اولادلری نینگ قانی نینگ توکیلیشی گه باعث بولگنلر (عراق نینگ سابق رهبری) صدام (حسین) کبی قبرستانگه جونه تیله دی" دیب جواب قیتردی.

علی شمخانی، تویتر آرقه لی نشر قیلگن تویتیده دونالد ترامپ نینگ "ینه مینگلب قوات کتته هجوم" دیگن تهدیدی گه ایران-عراق اوروشی گه اشاره قیلیب جواب بیردی.

باش منشی شمخانی؛

"ایران – عراق اوروشی (1980-1988) ایراندن مینگلب قوات کوچلی ایکن لیگینی اویله گن دیکتاتورلرنینگ قنداق جزالنتیریلگن لیگینی کورستگن تاریخی بیر دلیل دیر. بو قاسم سلیمانی نسلی نینگ اراده سینی کورستووچی بیر حادثه دیر. ایران نینگ اولادلری نینگ قانی نینگ توکیلیشی گه باعث بولگنلر صدام حسین کبی قبرستانگه جونه تیله دی. آغیر انتقام" دیب ایتدی.

دونالد ترامپ توناون کونی تویتر آرقه لی نشر قیلگن تویتیده، تهران اداره سی نینگ ایرانلیک جنرال قاسم سلیمانی نینگ سو قصد قیلینیشی گه جواب اوله راق هجوم ویا سوئ قصد ریجه له گن لیگی بیلن تیگیشلی ادعالرگه تماس قیلیب،

"ایران نینگ امریکا قوشمه ایالتلریگه قره ته قول اوره دیگن هر بیر هجومی گه قرشی مینگلب قوات بویوک بیر هجوم بیلن جواب بیریله دی" دیب یازگندی.

امریکا قوشمه ایالتلری ملی مدافعه وزیرلیگی (پینتاگون) سلیمانی و هشدی شبعی باشلیغی اورینباسری ابو مهدی المهندس نینگ 3 جنوری جمعه کونی کیچه سی بغداد قونلغه سی نینگ یقینیده اویوشتیریلگن هجوم آرقه لی اولدیریلگن لیگینی بیلدیرگندی.