عمران خان: ایران – سعودی عربستان توقنه شووی منطقه اوچون یمان بوله دی

پاکستان باش وزیری عمران خان، ایران و سعودی عربستان اورته سیده یوز بیره دیگن بیر توقنه شوونینگ "منطقه اوچون اینگ یمان سناریو" ایکن لیگینی بیلدیردی.

عمران خان، قطرنینگ الجزیره تلویزیون کانالی گه بیرگن بیاناتده، اولکه سی نینگ اورته سرققه قره ته یانداشووی بوییچه فکر بیلدیردی.

"منطقه اوچون اینگ یمان سناریو ایران و سعودی عربستان اورته سیده یوز بیره دیگن توقنه شوو دیر" دیدی.

اولکه سی نینگ بونگه توسیق بولیش گه اورونگن لیگینی افاده ایتگن خان،

"تهران و ریاض اورته سیده گی واسطه چیلیگیمیز دوام ایتماقده، بیراق استه – سیکین آلغه بارماقده" دیب ایتدی.

خان مسلمانلرنینگ هندوستانده دوچ قالگن تبعیض گه هم تماس قیلیب؛

"هندوستانده مسلمانلرگه قره ته عملی قیلینگنلر یهودیلرنینگ نازی آلمانده دوچ قالگن وضعیت گه اوخشه یدی" دیب گپیردی.

اولکه سی نینگ یمن گه تینچلیک تامین ایتیش گه اورونگن لیگینی معلوم قیلگن خان، منطقه ده یوز بیریب تورگنلرنی "انسانی بحران" دیب بهالندیردی.

پاکستان باش وزیری خان، تورکیه بیلن مناسبتلری توغریسیده؛

"تورکیه بیلن اقتصادی همکارلیگیمیزنی کینگه یتیریب مناسبتیمیزنی چوقورلشتیرماقچی میز" دیب افاده ایتدی.