ایران نینگ بیر یوک کیمه سی عراق دینگیز ساحه سیگه باتیب کیتدی

ایران نینگ بیر یوک کیمه سی عراق دینگیز ساحه سیگه باتیب کیترکن، 4 نفر پرسونل قوتقریلگن بیراق ایریم پرسونل نینگ قیدیروو و قوتقروو فعالیتلری دوام ایتماقده.

محلی میدیاگه اورین آلگن خبرلرده ایتیلیشیچه، عراق نینگ جنوبیده جایلشگن بصره کورفزی نینگ حور عبدالله کانالیده "بهبهان" آتیده گی ایران گه باغلیق کیمه نامعلوم سبب باعث کونی کیچه دینگیزگه باتیب کیتگن.

عراق مطبوعاتی گه بیانات بیرگن عراق بصره حاکمی اورینباسری و سابق ترانسپورت وزیری کاظم فینجان، کیمه ده بند بولیب قالگن 4 نفر پرسونل نینگ قوتقریلگن لیگینی ایریم 5 نفرنی تاپیب آلیش اوچون عملیات باشله تیلگن لیگینی بیلدیردی.