تورکیه فلسطین گه طبی یاردم یوباره دی

ینگی تور کرونا ویروس (کووید 19) گه قرشی کوره ش دایره سیده جهان اولکه لری گه طبی مواد یوباریاتگن تورکیه, ایندی فلسطین گه یاردم یوباره دی. 

تورکیه جمهوریتی جمهوررئیسلیک سوزچیسی ابراهیم قلین, تویتر آرقه لی بیرگن بیاناتیده, جمهوررئیس رجب طیب اردوغان نینگ بویروغی گه بناً فلسطین گه یوباریله دیگن طبی یاردم لرنینگ بوگون آقشام جونه تیله دیگن لیگی نی بیلدیردی. 

قلین, ماسک, بیر مرته استفاده قیلینه دیگن طبی لباس, تشخیص کیتی و بونگه اوخشش مواد دن تشکیل تاپگن اوشبو یاردم لرنینگ غربی نوار و غزه ده گی فلسطین لیک لر گه ترقه تیله دیگن لیگی نی معلوم قیلدی. 

ابرهیم قلین, اوشبو پیامیده, "تورکیه یمان کون نینگ دوستی دیر.  اساسی هدفی میز: انسان لرنینگ حیاتی نی یوقاتمس لیگی اوچون انسان لیک نینگ بیتمس لیگی کیره ک" دییه قید ایتدی.