روحانی: کرونا ویروس ایران گه قرشی بیر دسیسه دن عبارت

ایران جمهوررئیسی حسن روحانی, ینگی تور کرونا ویروس (Covid-19) بیلن علاقه لی قورقیتیلیاتگن لیک لری نی "دشمن نینگ دسیسه سی" اوله راق بهالنتیردی.

روحانی, پایتخت تهران ده بولیب اوتگن ملی کرونا ویروس نینگ آلدی نی آلیش مرکزی ییغیلیشی آرتیدن بیرگن بیاناتیده, ویروس گه قرشی آلینگن تدبیر لر حقیده بیانات بیردی. 

باشلغینچده کسلخانه گه کیلگن کیشی لرنینگ سانی نینگ کوپ ایکن لیگی, سونگگی کون لرده اوشبو رقم نینگ توشیب کیتگن لیگی و تداوی ایتیلگن کیشی لر سانی نینگ آرتیب کیتگن لیگی نی بیلدیرگن روحانی, "برچه اداره لرنینگ اویغاق بولیشی کیره ک.  جمعیت نینگ قورقیتیلیشی و اولکه نینگ تعطیل ایتیلیشی, دشمن نینگ بیر پلانی و دسیسه سی دن عبارت. همه میز نینگ اوز ایشی میز گه اهمیت بیریشی میز کیره ک" دییه قید ایتدی. 

عینی دمده روحانی شنبه کونی دن باشلب وضعیت نینگ عادی بوله دیگن لیگی نی معلوم قیلدی. 

ایران ده, اوشبو ویروس سببلی حیاتی نی یوقاتگن کیشی لر سانی 19 گه کوتریلیب کیترایکن, واقعه سانی نینگ ایسه 139 بولگن لیگی بیلدیریلدی.