هندوستان ده قوراللی توقنه شوو یوز بیردی

هندوستان تامانیدن باشقریلیاتگن جمو کشمیر منطقه سیده, هندوستان کوچ لری بیلن مقاومتچی لر اورته سیده یوز بیرگن قوراللی توقنه شوو عاقبتیده 3 کیشی هلاک بولدی. 

سرینگر یقینیده گی شلتینگ منطقه سیده موترسایکل لیک 3 کیشی بیلن گزمه قیلیب یورگن هندوستان کوچ لری اورته سیده توقنه شوو یوز بیردی. 

اوشبو حادثه عاقبتیده اوچ کیشی جان بیررایکن, هلاک بولگن کیشی لردن ایککی نفری نینگ مقاومتچی و بیر نفری نینگ ایسه هندوستان عسکری ایکن لیگی معلوم قیلیندی.

انگلستان دن مستقل لیگی نی آلگن 1947- ییلدن بیری جمو کشمیر, اوز قانون لری نی چیقاریاتگن امتیازلی بیر منطقه دن عبارت ایدی.  اوشبو دایره ده, چیت ایللیک لر نینگ او ییر گه باریب جایله شیش لری و خوددی شوو ییر نینگ اوزیده ملک ساتیب آلیش لری ممکن ایمس ایدی.  بیراق, هندوستان نینگ یریم عصر دن بیری جمو کشمیر گه اوشبو امتیاز نی بیریاتگن اساسی قانون نینگ 370 ماده سی نی 2019- ییل 5 آگست ده اوزگرتریشی بیلن بیرگه خوددی شوو امتیاز آلیب قویلیب ایالت ایککی قسم گه اجره لیب قالدی. 

اوشبو ینگی لیک آرتیدن هندوستان خوفسیزلیک کوچ لری امنیت نی تامین ایتیش بوییچه جمو کشمیر ده عملیات لر اویوشتیریب خلق گه قره تیلگن باسیم لری نی آرتیرگن ایدی. 

کوچه گه چیقیش ممنوعیتی بیلن بیر قطارده, انترنت, تلفن و ترانسپورت بوییچه هم ایریم چیکلاو لرنینگ بحث موضوعی ایتیلرایکن, منطقه ده محللی حزب لرنینگ باشقروچی لری و اعضا لری قولگه آلینگن ایدی.