ترامپ پاکستان گه سفر قیله دی

اوشبو مطلب نی پاکستان تشقی ایش لر وزیری بیلدیردی

ترامپ پاکستان گه سفر قیله دی

پاکستان تشقی ایش لر وزیری شاه محمود قریشی, امریکا قوشمه ایالت لری دولت رهبری دونالد ترامپ نینگ پاکستان گه سفر قیله دیگن لیگی نی معلوم قیلدی. 

سویس نینگ داووس قصبه سیده گی دنیا اقتصادی ییغیلیشی دایره سیده پاکستان باش وزیری عمران خان بیلن ترامپ اورته سیده بولیب اوتگن اوچره شوو گه اشتراک ایتگن قریشی, خوددی شوو اوچره شوو نینگ جزئیاتی حقیده معلومات بیردی. 

تقریباً بیر ساعت دوام ایتگن اوشبو اوچره شووده ایککی تامانلمه مناسبت لر, منطقه و خلق ارا مقیاسده گی مهم موضوع لر باره سیده بحث ایتیلگن لیگی نی بیلدیرگن قریشی, ترامپ نینگ, عمران خان گه یقینده پاکستان گه سفر قیلیش نی آرزو قیلیاتگن لیگی نی بیلدیرگن لیگی نی ایسله تیب اوتدی. 

قریشی سفر نینگ تاریخی حقیده معلومات بیریلمه گن لیگی نی بیلدیررایکن, عمران خان نینگ هندوستان نینگ کنترولی ده گی کشمیرده گی انسان حق لری اخلال لری باره سیده ترامپ گه معلومات بیرگن لیگی نی بیلدیردی. 

اوچره شوو ده پاکستان بیلن امریکا اورته سیده گی تجارت حجمی نینگ آرتیریلیشی توغریسیده هم بحث ایتیلگن لیگی نی بیلدیرگن قریشی, افغانستان ده گی تینچ لیک پروسه سی بیلن امریکا- ایران مناسبت لری بوییچه بحران باره سیده ده سوز یوریتیلگن لیگی نی معلوم قیلدی. 

عمران خان بیلن ترامپ, سونگگی بیر ییلده اوچ مراتبه اوچره شرایکن, پاکستان اینگ سونگ 2006- ییلده امریکا قوشمه ایالتلری دولت رهبری نی کوتیب آلگن ایدی.



علاقه لی ینگی لیکلر