پاکستان ده اونلب کیشی هلاکت گه اوچره دی

پاکستان ده سونگگی 24 ساعتده قار یاغگن لیگی سببلی اولگن کیشی لرنینگ سانی 55 گه کوتریلیب کیتدی. 

آفت لر گه قرشی کوره ش ملی آژانسی, پاکستان نینگ کنترولی ده گی آزاد جمو و کشمیرده قار کوچکیسی, توپراق سیلجیشی و اوی لرنینگ تخریب بولیشی سببلی 55 کیشی نینگ جان بیرگن لیگی نی بیلدیردی. 

خوددی شوو کیشی لردن 19 نفری نینگ کشمیر نینگ نیلوم وادی سی ده گی سارانگان قشلاغیده قار کوچکیسی عاقبتیده اولگن لیک لری معلوم قیلیندی. 

آفت لر گه قرشی کوره ش ملی آژانسی, قار کوچکیسی یوز بیرگن قشلاقده تورت کیشی نینگ قار نینگ آستیدن یره لنگن حالده چیقاریلگن لیگی نی معلوم قیلرایکن, 10 کیشی نینگ ایسه قیدیریلیاتگن لیگی نی بیلدیردی. 

بلوچستان ایالتی آفت لر گه قرشی کوره ش آژانسی نینگ باشلیغی عمران زرکون,  اوشبو ایالتده یکشنبه کون دن بیری قار یاغیاتگن لیگی سببلی یوللر و هوا قونلغه سی نینگ یاپیلگن لیگی نی معلوم قیلدی. 

یاپیلگن یول لرده قالیب کیتگن 500 نفر نظامی لر تامانیدن قوتقریلرایکن, ایریم منطقه لرده ایسه قیدیرو- قوتقرو فعالیت لری نینگ دوام ایتیاتگن لیگی بیلدیریلدی. 

اولکه نینگ اینگ مهم توریزم مرکز لری دن بیری بولگن گیلگیت-بالتیستان ایالتی ده سونگگی 50 ییل نینگ اینگ کوپ قاری یاغگن لیگی معلوم قیلیندی.