ایران امریکا قوشمه ایالتلری نی تهدید ایتدی

ایران قوراللی کوچ لری قوماندانلیگی نینگ سوزچیسی جنرال ابوالفضل شکارچی, امریکا نینگ عراق ده گی حربی مرکز لری گه آتیلگن راکت لرنی "انتقام نینگ همه سی" اوله راق بهالنتیرمیاتگن لیک لری نی بیلدیردی. 

شکارچی, واشنگتن رهبریتی نینگ, منطقه ده گی حربی مرکز لری نی یاپیب قویمس لیگی تقدیرده, ساحه دن چیقمیدیگن لیک لری نی معلوم قیلدی. 

امریکا قوشمه ایالتلری نینگ کوچلی بیر مدافعه سیستمی گه ایگه ایمس لیگی نی معلوم قیلگن شکارچی, ایران نینگ راکت لری نینگ اینگ مجهز حربی مرکز لری گه اصابت ایتیشی گه مانع بوله آلمه گن لیگی نی بیلدیردی. 

شکارچی, خوددی شوو وضعیت نینگ منطقه ده امریکا گه باغلیق بولیب حرکت قیلیاتگن اولکه لر اوچون هم بیر عبرت ایکن لیگی نی معلوم قیلدی. 

شکارچی, "آتیلگن راکت لرنی انتقام نینگ همه سی اوله راق بهالنتیرمیمیز. انتقامی میز امریکالیک لرنینگ منطقه نی ترک ایتیب کیتیشی گه سبب بوله دیگن سویه ده بوله دی" دییه قید ایتدی. 

سوزچی, راکت لر آتیلمسدن آلدین ایران نینگ امریکا قوشمه ایالت لری بیلن ارتباط قورگن لیگی اوچون امریکا نینگ حربی مرکز لری نینگ بوشه تیلگن لیگی توغریسیده گی ادعا لرگه هم جواب قیتردی. 

اوشبو خصوصده شکارچی, "کولکولیگ بیر یلغان.  اساساً دشمن نی مغلوب قیلیش سیاستی گه ضد بیر نرسه.  امریکا قوشمه ایالت لری نی قاتل اوله راق بهالنتیرماقده میز.  امریکالیک لر اوز هدف لری گه نایل بولیش اوچون بونده ی گپ لر نی ترقتماقده" دییه قید ایتدی. 

تهران ده قولب توشگن اوکراین هوا یوللری یولاوچی طیاره سی نینگ راکت بیلن اوریب توشیریلگن لیگی توغریسیده گی ادعا لرنینگ یلغان ایکن لیگی نی بیلدیرگن شکارچی, بونینگ هم روانی اوروش نینگ بیر بولگی دن عبارت ایکن لیگی نی بیلدیررایکن, خوددی شوو موضوع نینگ امریکا قوشمه ایالت لری نینگ منفعتی گه اویغون حرکت ایتیاتگن تامان لر طرفیدن مطرح ایتیلگن لیگی نی معلوم قیلدی.