روحانی، ترامپ بیلن تیلفون آرقه لی صحبت قیلیشنی رد ایتیب قبول قیلمه گن

ایران جمهور باشلیغی حسن روحانی نینگ بیرلشگن ملتلر تشکیلاتی 74 – ییغینی جلسه لری جریانیده، امریکا قوشمه ایالتلری دولت باشلیغی دونالد ترامپ بیلن احتمالی بیر تیلفونی صحبتنی رد ایتیب قبول قیلمه گن لیگی ایتیلماقده.

نیویورک تایمزده اورین بیریلگن خبرده، ترامپ بیلن روحانی اورته سیده فرانسه نینگ واسطه چیلیگی بیلن مطرح بولگن احتمالی بیر تیلفون صحبتی نینگ روحانی نینگ رد ایتیب قبول قیلمه ییشی بیلن نتیجه سیز قالگن لیگی قید ایتیلدی.

مذکور خبرده، فرانسه جمهور باشلیغی امانوئیل مکرون نینگ روحای اقامت قیلووچی هوتل گه باریب ترامپ بیلن تیلفون آرقه لی صحبتی قیلیشنی ایران هیئتی گه تکلیف قیلگن لیگی بیلدیریلدی.

مکرون نینگ اوچره شوو تکلیفی نینگ اورینباسرلری آرقه لی روحانی گه انتقال بیریلگن لیگی و تیلفون اوچره شووی اوچون بیر اتاق نینگ هم تیار قیلینگن لیگی معلوم قیلیندی.

بو خبرده ترامپ نینگ تیلفونده روحانینی کوتیب تورگن لیگی بیراق روحانی نینگ اتاقیدن تشقری چیقمه گن لیگی قید ایتیلدی.

روحانی نینگ بو تیلفونی صحبت نینگ ارتیدن ایران ایچکی سیاستیده اوزیگه قره ته انتقادلردن قورققن لیگی اورغولندی.  

خلق ارا بحران گروپیده ایران پروگرام مدیری علی واعظ هم، ایچکی سیاسی عکس العمل باعث روحانی نینگ ترامپ بیلن تیلفونی ارقه لی صحبت ریسکینی آلالمس لیگی گه اشاره قیلدی. واعظ، روحانی نینگ چیکلاولر بوییچه بیر یوتوق یوزه گه چیقه جگینی بیلمه گن تقدیرده ریسک آلمس لیگینی ایتدی.

بیرلشگن ملتلر تشکیلاتی 74 – ییغینی جلسه لری جاری ییل نینگ 17-27 سپتامبر تاریخلری اورته سیده امریکا قوشمه ایالتلری نینگ نیویورک شهریده بولیب اوتگندی.