پاکستانده یوز بیرگن ییر قیمیرلش حادثه سیده اونلب کیشی جان بیردی

مرکزی پاکستان کنترولیده گی آزاد جمو و کشمیرنینگ ینگی میرپور شهری بولگن 5،8 رشترلیک زلزله ده تلفات سانی 37 گه ییتدی.

آزاد جمو وکشمیر مواصلات وزیری مشتاق منهاس، ییر قیمیرلش حادثه سیده زیان ییتگن دشت منطقه لرگه عسکری تیک اوچرلر آرقه لی ییتیب باریلگن لیگینی بیلدیردی.  

ییقیلیب کیتگن بنالردن توناون کونی چیقریلگن جسدلر بیلن تلفات سانی نینگ 37 گه ییتگن لیگینی معلوم قیلگن منهاس 500 دن آرتیق کیشی نینگ یره لنگن لیگینی قید ایتدی.

منهاس؛

"قوتقروو فعالیتلری نینگ آرتیدن خساره تثبیتی و یاردم ییتکیزیش فعالیتلریمیز باشلنه دی. احتیاجی بولگنلر چادر بیریله دی" دیب گپیردی.

میر پور والیسی چاودری محمد طیاب هم ملی مطبوعاتگه بیرگن بیاناتیده، یوللرگه زیان ییتگن لیگی باعث قوتقروو فعالیتلری نینگ قیینلشگنینی بیلدیردی.

شونده ی بولیب ییر قیمیرلش حادثه سیده زیان ییتگن برق کیبل لری، زیربنا، مکتب، کسلخانه و مسجد کبی ساختمان لرنینگ ترمیمی ایسه عسکرلرنینگ قتنه شیشی بیلن باشلندی.

500 مینگ کیشی اطرافیده نفوسی بولگن آزاد جمو و کشمیر – پاکستان چیگره سیده گی میرپور شهری نینگ یقینیده یوز بیرگن 5،8 رشترلیک زلزله، پایتخت اسلام آباد قاله ویرسه پاکستان و هندوستاندن هم حس ایتیلگن ایدی.